Vand(er) questien ende geschille gecomen inde banck/ voir meye(re) en(de) scepen(en) tussche(n) denijse van langrode/ voir hem selve(n) ende als p(ro)cur(eur) der weduwe(n) wout(er)s/ wijlen van langrode al zo ae(n)legge(re) t(er) eenre/ tegen joese va(n) oirbeke verweerde(re) t(er) ande(r) zijde(n)/ aldair de voirs(creven) denijs inde(n) name als voe(r)/ te kenne(n) heeft gegeve(n) dat de voirs(creven) joes/ van oirbeke met m(ar)griete(n) noyens te henwerts/ genome(n) hadde(n) zeke(re) p(ar)cheele(n) va(n) rinte(n) beg(re)pen/ in eend(er) gelufte(n) d(air)aff zijnde gepasseert voir/ scepen(en) va(n) des(er) stadt ja(nua)[rii] xxix a(nn)[o] lxxxvi/ woute(re)n va(n) langrode gedaen ende dat zij/

voirts alsdan den selve(n) woute(re)n vanden/

selve(n) p(ar)cheele(n) allessins Te weten(e) drie/ rinsg(ulden) lijfpen(sien) vallen(de) xxvii m(ar)tii bebrieft met/ scepen(en) brieven va(n) loeven(e) va(n)d(er) daet/ ja(nua)rii b xxvii a(nn)[o] lxxxi lxxxiii aen m(ar)griete(n)/ vand(en) vaten ende va(n) alsulke twee ryd(er)s/ lijfpen(sien) als de p(ro)cu(r)ator va(n) sinte mertens te/ loeven(e) heffende is op he(re)n robeerde wijle(n)/ loenijs en(de) zijn(en) borghen soe wel vande(n)/ pri(n)cipale(n) pe(n)ni(n)ghe(n) va(n) dien als va(n)de(n) pachte(n)/ d(air)aff alsdo v(er)schene(n) oft na oofs v(er)schijnen(de)/ ende va(n) allen coste(n) en(de) laste(n) nae inhoude(n)/ den registre voirs(creven) Seyde voirts de/ voirs(creven) denijs inde(n) name voirs(creven) dat/ onder de voirs(creven) gelufte geregistreert/ stont een zeker contract begi(n)nende (et)c(etera)/ de voirs(creven) wout(er) dwelc alsdoen niet/ gepasseert en werdt mits dat de se voirs(creven)/ wout(er) alsdoen niet p(re)sent en was d(air)mede/ deselve wout(er) te hemwerts genome(n) hadde/die tw tzijne(n) laste t(er) ande(r) zijden/ de twee croene(n) lijfpen(sien) die lod(ewijc) baets
//
heffende was ende dat de voirs(creven) wout(er)/ tvoirs(creven) contract d(er) [selv(er)] twee croene(n) lijfp(ensien) voirs(creven)/ gedae(n) en(de) geloeft hadde voir scep(enen) va(n) des(er) stadt/ xii febr(uarii) a(nn)[o] lxxxvii Gedragende hem deselve/ denijs totte(n) sec(re)tarijs rechte va(n) des(er) stadt al/ mocht zoe zijn dat opde m(ar)ge va(n)d(er) voirs(creven) gelufte(n)/ bijde(n) voirs(creven) joese van oirbeke en(de) m(ar)grieten/ noyens den voirs(creven) wijle(n) woute(re)n gedaen/ gescreve(n) staen stont detur l(itte)ra(s) p(ro)mitten(tibus)/ dat nochta(n) dat noyt tot gheend(er) ande(re) meyni(n)ge(n)/ gescreve(n) en es geweest dan om deswille/ dat de voirs(creven) wile(n) wout(er) va(n) langrode ten/ tijde dat de voirs(creven) joes ende m(ar)griete/ de voirs(creven) gelufte dede(n) den voirs(creven) woute(re)n/ de selve wout(er) alsdoen niet p(re)sent en was/ om insgelijx de navolgen(de) gelufte vanden/ twee croene(n) lijfpen(sien) te doene gelijck joes ende/ m(ar)griete(n) ter ande(r) zijde(n) gedaen hadden en(de)/ nerge(re)ns anders o(m)me welke gelufte namaels/ bijd(en) voirs(creven) woute(re)n als voe(r) gedaen es geweest/ gedragen(de) hen oec alsoe tott(er) wairheit en(de) rechte/ en(de) totte(n) ghenen dies hen verstonden dat/de voirs(creven) yerste co(n)tracten tweeste contract aldair/ beworpen bijde(n) voirs(creven) woute(re)n gedae(n) en(de) gepass(eer)t/ zijnde ind(er) mate(n) tselve bijde(n) voirs(creven) woute(re)n/ namaels gedaen en(de) gesciet es tvoirs(creven)/ yerste co(n)tract den selve(n) woute(re)n sculdich was te/ volgen en(de) effect te sorte(re)n ende al mocht/ zoe zijn dat de voirs(creven) wout(er) zed(er)t der/ lest(er) orlogen de p(ar)ceelen van rinten inde(n) yerste(n)/ co(n)tracte beg(re)pen met ande(re)n p(ar)ceele(n) va(n) rinten/ dair voe(r) hij voe(r) deselve m(ar)griete noyens/ borghe stont betaelt mocht hebbe(n) dat dat/ nochta(n) anders niet gedaen en es geweest
//
dan uut beheete d(er) selv(er) m(ar)griete(n) en(de) in/ afcorti(n)gen va(n) alse men neghen rinsg(ulden) lijfpen(sien)/ als deselve wijle(n) wouter der voirs(creven) m(ar)griete(n)/ noyens tot hue(re)n live alleene jairlijcx/ sculdich was ende dat wout(er) huer dair/ voir dorloghe de voirs(creven) ix rinsg(ulden) bet(aelt) hadde/ ende oec dat wout(er) voirs(creven) de twee croene(n)/ aen lod(ewijcke) baets d(air) hij voe(r) gesproken hadde/ betaelt hadde ende oec alsulke(n) twee ryders/ lijfpen(sien) aen arnde de brieve(re) ende de weduwe/ walten wijlen braken die zij hadde(n) opde(n)/ voirs(creven) h(er) robeerde loenijs en(de) m(ar)grieten/ voirs(creven) ende insgelijx dat hij bet(aelt) hadde/ twee ryders lijfpen(sien) d(air) voe(r) de voirs(creven) p(er)soene(n)/ oic verobligeert stonde(n) aende(n) p(ro)curator/ van sinte mertens voirs(creven) ende insgel(ijx)/ noch twee ryders lijfpen(sien) [betaelt] hadde voir h(er) robeerde/ en(de) m(ar)griete(n) voirs(creven) aen (christ)ine(n) gouwers ende/ ja(n)ne putoir woenende te kessele/ ende oec drie rinsg(ulden) aen mathijse van/ thudeke(m) die wout(er) oec bet(aelt) hadde d(air)voe(r) h(er) rob(er)t/ en(de) ma(r)griete voirs(creven) stonde(n) v(er)oblig(eer)t aende/ huysvr(ouwe) des voirs(creven) mathijs p(rese)nte(re)nde/ alle poenten die in feyte gelege(n) wa(r)en/ te thoene(n) en(de) altijt mette(n) mynste(n) te gestaen(e)/ conclude(re)nde nade voirs(creven) geluften bijde(n) voirs(creven)/ joese den voirs(creven) wijle(n) woute(re)n va(n) langrode/ gedaen dat hij d(air)aff als voe(r) vanden/ rinte(n) v(er)schene(n) en(de) als voe(r) bij hem woute(re)n/ betaelt metgaders den ghenen die/ bet(aelt) soude(n) moten wordden met alle(n) coste(n)/ en(de) co(m)me(r) hem [hem] sculd(ich) soude sijn te lossen(e)
//
Dair tege(n) de voirs(creven) joes va(n) oirbeke v(er)weerde(r)/ t(er) (con)trarie(n) geallegeert heeft te wetene al mocht/ hij hem als voe(r) borghe va(n) m(ar)gr(ieten) noyens aende(n)/ voirs(creven) wijle(n) woute(re)n va(n) langrode in zeke(re) schult/ en(de) rinten beg(re)pen inde(n) voirs(creven) registre va(n)d(er)/ daet ja(nua)[rii] xxix lxxxvi v(er)bonde(n) hebbe(n) dat/ nochta(n) in m(ar)gine vande(n) selve(n) registre oft/ gelufte(n) alsme(n) aldair clairlijck bevi(n)de(n) soude/ gescreve(n) stont detur p(ro)mitten(tibus) dwelc/ een fundament was en(de) es hoe ende in/ wat manie(re)n de voirs(creven) gelufte gedae(n) ende/ gesciet es geweest en(de) blijct ute(n) selve(n) soe/ hij sustineerde dat deselve gelufte alsoe/ vele als niet en was gem(er)ct dat de/ m(ar)ge vand(er) selv(er) gelufte(n) clairlijck ende/ naectelic sprect ende begrijpt datmen/ den gelovers deselve gelufte gheve(n) soude/ en(de) alsoe [uut dien] volght dat nyema(n)t met die/ geluften gerege(re)n en can d zonder/ consent vanden gelovers hem des gedragen(de)/ totte(n) rechte Seggende voirts dat va(n) soe/ oude(n) tijde(n) ond(er)houde(n) en(de) geuseert thebben/ dat nyeman(de) de (contra)rie en gedunct soe/ wa(n)neer yema(n)de enige gelufte(n) voe(r) scepen(en)/ va(n) loeven(e) bekint oft geloeft wordden d(air)/ bijde(n) selve(n) gelovers ond(er)sproke(n) en(de) opde gelufte/ geteekent worde datme(n) de gelufte nyemant/ gheven en sal dan den gelovers gelijc/ opde voirs(creven) gelufte geteektent steet datme(n)/ dan nyema(n)de wie hij sij met sulke(n) gelufte(n)/ behulpen en can noch en mach/ te rechte dienen(de) sonder consent vanden/ gelovers ten wa(r)e dat deselve ond(er)sproken
//
vorw(eer)de bij co(n)sente vanden gelovers/ gea(n)ichileert wa(r)e ende oft e(n)nich man/ oft vrouwe yema(n)de e(n)nige gelufte dede/ voir scep(enen) va(n) loeven(e) en(de) den gelov(er) ond(er)sproke/ en(de) bevorw(er)de datme(n) die gelufte(n) nyema(n)de/ gheven en soude dan den gelove(re)n/ datme(n) die gelufte ten v(er)sueke vander/ gelover te nyeute doen soude soela(n)ghe/ de ond(er)sproke(n) vvorwerde tussche(n) p(ar)tien niet/ beslicht oft te nyeute gedaen en wa(r)e/ Gaf voirts te ke(n)nen de voirs(creven) joes va(n) oirbeke/ dat de voirs(creven) wilen wout(er) van langrode/ hem hadde doen hachten in zijnd(er) tijt/ uut saken vande(n) voirs(creven) scepen(en) brieve/ niet tegenstaen(de) de voirs(creven) (con)ditien bij/ eene(n) dienae(re) alh(ier) ende dat wouter/ hem ontsloech zonder cost oft last desselfs/ joes om der voirs(creven) vorw(er)de(n) wille/ dwelck deselve joes woute(re)n van/ langrode soe v(er)re hij noch leefde/ bij eede gheven oft nemen soude/ p(rese)nte(re)nde dairtoe zijne(n) deughdelijck(en)/ eedt want wouter aflivich was/ dat tselve alsoe gesciet was/ ende dat deselve joes binne(n) xiiii/ ja(r)en nae dat de voirs(creven) gelufte gesciedde/ noyt meer bijden voirs(creven) woute(re)n met/ rechte ae(n)gesproke(n) noch gemolesteert/ en is geweest Seyde noch/ dat bijden voirs(creven) wijlen h(er) robeerde/ een zeker testame(n)t gemaect soude/ zijn geweest in p(rese)ntien henrics/ hanckaert als notar(is) en(de) zeke(re) getuigen
//
d(air)inne men bevi(n)den soude dat de voirs(creven)/ wile(n) h(er) robert den voirg(enoemde) woute(re)n va(n) langrode/ ende dande(re) gemaect hadde zeke(re) erfgoeden/ die gedroegen acht boend(er) lants iii(½) boende(re)n/ boschs gelegen in berthem des geleden mochte/ zijn omtr(rint) xiiii ja(r)en ende dat wout(er) en(de)/ denijs zedert de p(ro)fijten getogen hadde(n) en(de) de/ selve denijs bynne(n) des(en) jegewoirdige(n)/ ja(r)e deselve p(ro)fijten en(de) dat voe(r) en(de) inde stat/ va(n) zeke(re)n lijftochte(n) d(air)inne de voirs(creven) wijle(n)/ h(er) robeert en(de) m(ar)gr(iete) noyens verbonden stonden/ als pri(n)cipale(n)/ ende wout(er) als borghe welke/ lijftochte(n) de voirs(creven) denijs gherne dra(e)gen soude/ ten laste der voirs(creven) joes en(de) m(ar)gr(ieten) noyens/ om van hen d(air)af ontlast te wordden en(de) zonder/ dat hij soude willen bekynne(n) de voirs(creven) goede/ voe(r) de voirs(creven) rinte(n) als voe(r) gelaten te zijne/eene p(rese)nte(re)nde des alle poente(n) in feyte/ gelegen te thoene(n) en(de) altijt mette(n) mi(n)sten/ conclude(re)nde t(er) (con)trarien vande(n) voirnemen(e)/ des voirs(creven) denijs ende dat hij tonrechte/ ende met quader saken hem voe(r) de/ voirs(creven) gelufte hadde gepraemt en(de) inde/ vroente doen stellen hopende d(air)van met/ vo(n)nisse der scepen(en) t(er) manissen smeyers/ ontslagen te zijne De voirs(creven) denijse/ t(er) (con)trarien replice(re)nde en(de) ontki(n)nen(de) de/ voirs(creven) poente(n) bijden voirs(creven) verw(eer)de(re)/ bijgeleet als dat scepen(en) des gemae(n)t/ bijden meye(re) de voirs(creven) p(ar)tien in/ wed(er)sijde(n) gewese(n) hebbe(n) tot hue(re)n thoene/ dewelke dairtoe eene(n) zeke(re)n gelegen(en)
//
dach genome(n) hebbe(n) Tot welke(n) daghe/ de voirs(creven) ae(n)legge(r) inde(n) yerste(n) heeft gep(ro)duceert/ tvoirs(creven) regist(er) va(n)d(er) daet ja(nua)[rii] xxix a(n)no/ lxxxvi woute(re)n va(n) langrode gedaen ende/ insgelijx een and(er) contract d(air)bij staende/ niet gepass(eer)t begi(n)nende It(em) de voirs(creven) wout(er)/ heeft oeck beg(er)t [doen] gevisite(re)n t te hebben(e) [tvoirs(creven)] tregister/ va(n)d(er) daet febr(uarii) xii a(nn)o lxxxvii welke registren/ genoech cleerde(n) de meyni(n)ghhe des voirs(creven) ae(n)legg(er)s/ It(em) heeft oec deselve denijs he(n)rico hanckaer/ en(de) meest(ere)n bertel(meeuse) kyp secretar(isen) der voirs(creven) stad/ doen mane(n) de meyni(n)ghe va(n)d(er) voirs(creven) gelufte(n)/ en(de) clause(le) in m(ar)gine(n) staende soe v(er)re die nae/ recht hen souden moegen strecke(n) De welke/ d(air)op geint(er)rogheert zijnde hebbe(n) d(air)op/ gedeponeert dat zij va(n)d(er) meyni(n)gen in/ dien niet en wisten mair gedroegen hen/ totte(n) registre en(de) den rechte vand(er) stadt/ It(em) heeft voirts deselve wout(er) denijs/ doen manen m(ar)griete(n) noyens oft/ wout(er) zed(er)t der orlogen de rinte(n) int voirs(creven)/ yerste c(on)tract beg(re)pen met meer ander p(ar)ceele(n)/ niet betaelt en hadde en(de) dat wouter/ hier voir doirloghe de ix r(ins)g(ulden) voer/ geruert oec bet(aelt) soude hebbe(n) D(air)op de/ selve m(ar)gr(iete) cleerde dat huer betaelt/ zijn ix r(ins)g(ulden) de zesse in huer schout lichts gelts/ en(de) de drie ande(re) bijd(er) vrouwe(n) int schee(re)/ oec lichts gelts soe wout(er) huer seyde die/ betaelt te hebbene en(de) dat zij [huer] de ix r(ins)g(ulden)/ voe(r) geruert oec in lichte(n) gelde betaelt wa(r)en/ Dede voirts blijcke(n) met lod(ewijcke) baets de/ twee croene(n) bij woute(re)n alle ja(r)e hem betaelt/ te zijne ende insgelijx bij arnde de/ brieve(re) en(de) der wed(uwen) walten wile(n) va(n) braken/ de twee ryders lijfpen(sien) aen hen bij woute(re)n bet(aelt)/ te zijne totten lesten valdaghe lestleden
//
ende insgelijx oec bijde(n) p(ro)cu(r)ator va(n) sinte m(er)tens/ bij sijns selfs hant gesc(ri)fte vande(n) twee ryders aen/ hem [wel] betaelt te zijne bij woute(re)n voirs(creven) zonder/ vande(n) drie ja(r)en lestlede(n) Heeft insgelijx gethoent/ bij (christ)ine(n) gouwers en(de) ja(n)ne putoir de twee/ ryders lijfpen(sien) aen hen oec bij woute(re)n bet(aelt) te zijne/ op twee jair nae van voe(r) magdalene lestleden/ Heeft oec doen blijcke(n) bij math(ise) va(n) thudeke(m) alse va(n)/ zijne(n) drie r(ins)g(ulden) bove(n) geruert dat deselve math(ijs)/ tot noch toe wel bet(aelt) es jairlijx Ende d(air)nae/ heeft de voirs(creven) joes va(n) oirbeke v(er)weerde(r) sijnen/ thoen geleydt op sijn voirg(eruerde) poente(n) voirs(creven)/ Ende ierst gep(rese)nteert tregist(er) v(an)d(en) scep(enen) va(n) loeven(e)/ vand(er) daet ja(nua)[rii] xxix lxxxvi voirs(creven) d(air)inne men/ bevont dat de voirs(creven) joes va(n) oirbeke als borghe/ m(ar)grieten noyens hem aen woute(re)n v(er)bonden/ hadde ind(er) mate(n) tselve regist(er) uut wijsde/ Heeft voirts doen manen meest(ere)n aug(ustijne) va(n) nethen(en)/ henr(icke) vande(n) speelhove(n) jo vasont henr(icke) hanckaer/ meest(ere)n bertel(meeuse) kyp meest(er) stasse va(n)d(er) hoeven/ alle sec(re)tar(isen) der stadt va(n) loeven(e) gerard(e) de thymo/ clase vasont meest(ere)n bertel(meeuse) de ruyssche jo nijs/ la(m)berde duffay en(de) henr(icke) vasont opde costume/ en(de) onderhoude(n) soe wa(n)neer yema(n)de e(n)nige geluft(en)/ voir scepen(en) bekint wordde en(de) bijd(en) gelovers/ ond(er)sproke(n) wordt als h(ier) voe(r) int v(er)antw(er)den/ int la(n)ghe v(er)haelt is wes zij d(air)aff hielden/ De welke te weten(e) hanck(aer) kyp schore/ d(air)op gedeponeert hebben dat dit poent gelege(n)/ es in rechte ende dat zij dat poent niet voirde(r)/ en weten te v(er)staene dan de hee(r)en scepen(en) nae/ recht bevi(n)den zulle(n) behoe(re)nde ald(air) zij deponente(n)/ alsdan hue(r) beste kynlicheyt va(n) rechte in dien/ zulle(n) moegen v(er)clee(re)n It(em) speelhove(n) nethen(en)/ en(de) hoeven affirmeerde(n) dartikel alsoet sprect/ geliseert te zijne elc in zijne(n) tijde alsoe la(n)ghe/ zij dair op de came(re) verkeert hebben/ Thymo affirmeerde dierste clause van den
//
derd(en) article tott(er) clausele(n) datme(n) nyema(n)de/ mett(er) gelufte(n) (et)c(etera) dwelc steet in rechte/ en(de) bevelende alsoe tselve den rechte/ Lamb(er)t duffay opt selve geint(er)rogheert/ cleert dat hij heeft wel geweten dat de/ gelovers dede teekene(n) datme(n) nyema(n)de de/ brieve gheven en soude dan hen selven/ ende dat alsoe gegeven zijn geweest mair/ oft deghene dien de gelufte gedaen es hem/ hem met dien brieve soude moegen behulpen/ dat beveelt hij den rechte en(de) dat de gelovers/ dicwille doen teeken(en) tselve opde(n) brief om/ dat zij de pe(n)ni(n)gen niet ontfa(n)gen en/ hebben(e) om de pe(n)ni(n)gen d(air)mede te halene/ Joh(ann)es nijs cleerde opt selve dat [hoedanighe] geuseert es/ geweest en(de) onderhoude(n) dat hij dat niet en/ weet noch hoeden brief sprect d(air) questie om es/ mair heeft selve sien onderhoude(n) en(de) useren/ soe wa(n)neer e(n)nighe geluften gebue(re)n op/ sijn came(re) dair hij sidt en(de) men ondersprect/ datme(n) den brief gheven soude den genen/ diet geloefde dat hij dan gesien hadde/ datmen dien gaff ende dat soe wa(n)neer/ de wed(er)p(ar)tie die de gelufte gedae(n) wordde/ absent was en(de) oft die hem die oft yema(n)t/ anders d(air)mede mach behulpe(n) dat beveele/ hij den rechte He(n)ricus vasont affirmeert/ tselve artikel opte came(re) dair hij sidt/ en(de) dat va(n)den tijt va(n) xxiiii ja(r)en oft d(air)omtr(rint)/ It(em) [op] dnavolgende artikel me(n)tie makende/ soe v(er)re e(n)nich man oft vrouwe [yemande] e(n)nighe gelufte/ dede (et)c(etera) bove(n) bijde(n) verweerde(re) voirt geruert tw/ deponeerde(n) de voirs(creven) hanck(aer) kyp schore ut/ gelijc voe(r) en(de) desgel(ijx) speelhove(n) nethen(en) hoeven/ oec gelijc zij voe(r) gedaen hebben Thymo/ refereerde hem ae(n)gaen(de) dese(n) artikel wa(n)t depo(n)neert/ den yersten totten thoene bij hem opt yerste gedaen/ en(de) op tghene dat tselve artikel meer begrijpt/ dan dierste eer hij voirde(r) d(air)inne depone(re)n woude
//
begheerde hij hem d(air)aff te berade(n) met zijne(n) meest(er)s/ wat voir hem niet comen en was Lambeert/ duffay cleerde dat hij in xviii ja(r)en va(n) gelijcken/ niet gesien noch gehoirt en hadde en(de) oft hij d(air)af/ gehoort hadde soude hij d(air)inne hebbe(n) wille(n) doen/ bij raide va(n) zijne(n) meesters Joh(ann)es nijs depon/ deponeerde d(air)op gelijc gerardus de thymo voirs(creven)/ He(n)ricus vasont cleerde dat hij d(air)van geen hij d(air)van/ hem beraede(n) woude met zijne(n) meest(er)s en(de) alsoe v(er)re/ alst hem voirquame soe en soude hij den ghenen die/ geloeft den brief niet ov(er)gheve(n) dan met (con)se(n)te van/ p(ar)tien tott(er) tijt de questie beslicht wa(r)e It(em)/opt po he(n)ricus vande(n) speelhove(n) nethen(en) en(de) hoeve(n)/ hebbe(n) gecleert ge op diesten(en) vande(n) voirs(creven) articule(n)/ dat zij blive(n) bij des zij voe(r) geseet hebbe(n) ende/ desgelijx oec hanck(aer) kyp schor(e) bij des zij voe(r)/ gedeponeert hebben ende thymo duffay nijs/ gedroege(n) hen tot des zij voe(r) gecleert hebben/ dien ae(n)gaende Ende opt poent van den/ testame(n)te heeft de verweerde(r) gep(ro)duceert een/ instrume(n)t bij geteekent bij he(n)ri(cus) ha(n)ckaer als not(aris)/ vande(n) testamente h(er) robbertus loenijs dairmede/ inhouden(de) zeke(re) clausele(n) aengaen(de) dier materien/ nae inhoude der selv(er) Slutende alsoe de/ voirs(creven) p(ar)tien hue(r) sake voirs(creven) nae div(er)se rep(ro)che(n)/ ende salvatie(n) bij hen in des(en) gedaen ten ynde/ en(de) effecte voirs(creven) en(de) hopen(de) elc in zijne(n) voirnemen(e)/ wel gefundeert te zijne(n) bege(re)nde aende(n)/ meye(re) des de scepen(en) gemae(n)t te wordde(n) de/ welke gewesen hebben met vo(n)nisse de gelegentheyt/ va(n)d(er) saken metgaed(er)s deliberatien ov(er)sien en(de) ripelijck/ gevisiteert hebbende dat den ae(n)legge(r) inde(n) name/ als hij age(re)nde es sijn conclusie volgen zal/ behalven den verweerde(r) sijn v(er)hael va(n) ontheffen(e)/ nae recht op m(ar)grieten noyens Actu(m) in scampno/ martii xiii[a] a(nn)[o] xv[c]