Item es den voirs(creven) brief bekint te dier meyni(n)gen/ dat de voirs(creven) gesuste(re)n oft huers gebreken(de) hue(r)/ wettige kinde(re) oft hue(r) mans en(de) mo(m)boe(re)n hen tot/ hue(re)r manissen sullen moegen doen leyden tot/ allen den goeden beyde have ende erve chijs(en) rinten/ en(de) pachten der voirs(creven) beatric(en) kieviets die zij alsnu/ heeft ende besitten(de) es oft namaels v(er)crigen sal/ moegen soe wair die gelegen zijn ende alle de/ selve goede metten selven beleyde voe(r) de voirs(creven)/ so(m)me yerst nae de doot vand(er) voirs(creven) beatric(en)/ ende niet eer aenveerden ende te henw(er)ts trecken/ Behoudelijc dat de voirs(creven) weduwe oft zijs nootelijck/ behoeven(de) wae(r) en(de) anders niet in hue(re)n leven(de) live/ vand(en) voirs(creven) goeden have ende erve sal moegen/ vercoepen soe vele als zijs sal moegen notelijck/ behoeven(de) zijn tot hue(re)r bilevi(n)gen sonder argelist/ en(de) sonder wederseggen van hue(re)n kinde(re)n voirs(creven)/ oft yeman(de) anders Ende alsoe verre als nae der/ voirs(creven) moed(er) doot e(n)nige vanden gerechten erfgename(n)/ de voirs(creven) goede lossen wouden metter voirs(creven) so(m)men/ van pe(n)ni(n)gen dat zij dat sullen moegen doen/ bynnen eene(n) jae(r) nae de doot vand(er) selv(er) wed(uw)[e] en(de) niet d(aer)nae/ dair voe(r) geven(de) ende uuytreyken(de) de voirs(creven) geheele/ so(m)me van pe(n)ni(n)gen den voirs(creven) gesuste(re)n oft hue(r)/ actie hebben(de) sonder argelist Ende oft die lossinghe/ alsoe niet en gebuerde soe souden de voirs(creven) gesuste(re)n/ metten voirs(creven) beleyde alle de voirs(creven) goede have/ en(de) erve rinte(n) chijsen en(de) pachten moegen ae(n)verden/ hantplichten p(ro)fite(re)n v(er)coepen ende d(aer)mede doen/ gelijc van hue(re)n p(ro)pe(re)n eygen(en) goede hue(re)n wille/ en(de) p(ro)fijt sonder yema(n)ts wed(er)seggen Te dier/ meyni(n)gen oick met ov(er)geven(en) en(de) (con)sente vanden/ / voirs(creven) janne trissene(re) als man ende mo(m)boir der/ voirs(creven) m(ar)tinen absent zijnde die hij h(ier) inne geloeft/ heeft te verva(n)gen dat de selve jan trissenere/ die ontfangen heeft de geheele leenen gebleven/ van reyne(re)n wijlen trissene(re) sijne(n) oem vanden/ selven leenen gheen p(ro)fijt trecken en sal soe/ lange zijn sweg(er) voirs(creven) leven sal mair sal/ die laten trecken der selver sijnd(er) sweg(er) ende/ huer d(aer) toe alle behulp doen Ende oic dat/ zij sal moege(n) v(er)coepen op alle de goede have/ en(de) erve twee hollan(sche) guld(en) erff(lic) den xvi om/ d(aer)mede te reysen [en(de)] een bedevairt te doen(e) te/ roemen Behalve(n) oick dat de voirs(creven) balbine/ en(de) huer man en(de) kinde(re) nae de doot der voirs(creven)/ hue(re)r moeder sal oft sulle(n) soe vele vand(er) voirs(creven)/ so(m)men van acht hondert gul(den) tierst voir uuyt/ hebben als de hellicht vand(en) voirs(creven) leene(n)/ d(aer)inne de voirs(creven) jan trissene(re) gegoedt is/ gedragen sal moegen cor(am) eisd(em)