Vand(er) questien gecomen bijden raide vand(er) stadt tussche(n)/ giel(ise) den smet te(r) eende(r) ende katlijne(n) pet(er)s geheeten/ van hooghstraten aengaen(de) seke(r) huysen gelegen inde/ mi(n)derbrued(er)strate d(aer) zij en(de) elc hue(re)r recht inne v(er)meten/ met hue(re)n consorten en(de) scheidinge en(de) deylinghe de/ welcke de voirs(creven) katlijnen soe sij seyt niet gedoen/ en conste oft d(aer)toe verstaen mits absen(cie) van hue(re)n/ brued(er) te roomen weert wesen(de) bege(re)nde dat de/ sake noch uuytgestelt w(er)de op hope dat huer brued(er)/ voirs(creven) soude moegen comen bynnen desen jae(r) van/ gr(ati)en De voirs(creven) giel(is) de (contra)rie sustine(re)nde seggen(de)/ dat hij met sijne(n) gedeelte g(er)ne sijn p(ro)fijt soude/ doen Es geseet en(de) uutgesproken bijden selven/ / raide dat p(ar)tien in wersijden dese sake noch uutstelle(n)/ souden tot kersmesse naistcomen(de) om alsdan in gevalle/ de brued(er) der voirs(creven) katlijne(n) niet en quame hier/ inne gedaen te werdden(e) soe behoe(re)n soude en(de) dat/ elc vand(en) p(ar)tien opdat zij niet en v(er)accordeerden bynne(n)/ middele(n) tijde alh(ier) ten naisten dage van rechte/ alsdan comen soude(n) om in dien rechts te plegen(e)/ En(de) dat sij navolgen(de) seke(r) voirt(er)mi(n)atien en(de) uutstelle/ in desen gebuert de p(ro)fijt(en) vand(en) selve(n) hus(en) ond(er)/ malcande(re)n p(ro)fite(re)n soud(en) nae dat elc d(aer)inne gericht/ mocht wesen in desen versien oft de brued(er) der/ voirs(creven) katlijne(n) quame bynne(n) middele(n) tijde dat/ zij totter deylingen in dien gevalle verstaen/ soud(en) oft anders in dien alh(ier) tegen malcande(re)n/ rechts plegen in (con)s(ili)[o] opidi augusti vii