Inder saken geport voe(r) den raide vand(er) stadt/ tusschen [vacat] als borg(er)meest(er) der stadt/ van geldenaken inden name der selver stadt t(er) eenre/ en(de) janne van coelen t(er) ander zijden als van seke(re)n v(er)schenen(en)/ rinten vanden co(m)me(r) van ludick die jan roelofs cleer/ make(r) doude eysschen(de) was den selven van geldenaken/ van seke(re)n v(er)loepen(en) t(er)mijne(n) de welke de selve jan/ van colen bekinde van die van geldenaken gehaven/ te hebben(e) conclude(re)nde alsoe dat hij die den voirs(creven)/ ja(n)ne roeloffs opleggen en(de) betalen soude met coste ende/ co(m)me(r) De voirs(creven) jan t(er) (contra)rien contenderen(de) mits seke(re)n/ p(re)sten die hij soe de selve seyde der stadt alh(ier) hadde/ moten doen dat hij d(aer)af meynde ongehouden te zijne/ de voirs(creven) gehaven pe(n)ni(n)gen opte leggen(e) tottertijt hij/ d(aer)af wae(r) ger(e)compenseert vand(er) selver stadt (con)clude(re)nde/ alsoe t(er) (contra)rien Es den selven p(ar)tien int langhe/ h(ier)op bijden selven raide gehoirt zijnde uutgesproken/ en(de) get(er)mineert nae dbekyn des voirs(creven) jans dat de/ selve jan sculdich soude zijn de verloepen(en) rinten/ bij hem gehaven vand(en) t(er)mijne(n) d(aer) questie af es/ opte leggen(e) en(de) te betalen(e) mett(er) coste(n) en(de) co(m)me(r)/ van rechte in dien geloepen behalven den selven/ janne sijn verhael opde stadt van sijne(n) p(re)sten in (con)s(ili)[o]/ opidi cor(am) schoonvorst ijssche burg(imagis)[tr(is)] buets(ele) baets scab(inis)/ et aliis de (con)s(ili)[o] septembr(is) s(e)c(un)da