Allen den ghenen dat eerwerdige hee(re) ende meest(er) giel(is)/ la postole doctoir inden rechten ende cureyt vand(er) kercken/ van ghilze(n) in p(rese)ntia heeft geconst(itueert) (et)c(etera) he(re)n he(n)ricke/ vand(er) heyden he(re)n pete(re)n bruyn he(re)n pete(re)n spernagio/ prieste(re)n henr(icke) stoop godscalc willemszone wonen(de) te/ ghilse voirs(creven) Alle en(de) yegewelke sijn jairgul(den) schulden/ chijsen renten pachten emolume(n)ten opcomi(n)gen en(de) v(er)vallen/ diemen den voirs(creven) constituent uut saken van zijnd(er)/ cure(n) voirs(creven) alsnu schuldich es oft namaels sculdich/ sal moegen wordden goede beruerlijc en(de) omberuerlijc/ hoedanich die zijn wair die gelegen sijn der selver/ cure(n) toebehoe(ren)de te manen teysschen optebue(re)n to(n)tfa(n)gen/ en(de) te r(e)ge(re)n en(de) te verwae(re)n dair voe(r) te panden te dag(en)/ te beleiden [rastame(n)te te doe(n) leggen (et)c(etera) en(de) die] ende alle saken q(ue)stien en(de) gescillen d(aer) uuyt/ spruyten(de) met rechte texeque(re)n en(de) te v(er)volgen te bedingen/ te wynnen (et)c(etera) in mel(iori) for(ma) promitt(ens) ratu(m) renu(n)t(ians) salvo/ iusto calculo cor(am) buets(ele) baets nove(m)br(is) xiii