Want steven van cape(n)berge als geleydt nae des(er)/ stadt recht voir sijn wettich gebreck uuyt crachte/ van scepen(en) brieven van loeven(e) tot allen den goeden/ / beyde have en(de) erve arndts wijlen arnts sone en(de)/ jans wijle(n) du molin soe wair die gelege(n) sijn/ hem met br(ieven) van des(er) stadt gescreven ae(n)d(en) meye(r)/ van laetuit oft zijne(n) stadthoude(r) alle de selve goede/ behoirlijc heeft doen leve(re)n ende der weduwe(n)/ des voirs(creven) wijle(n) arnts en(de) symon(e) del vaul hue(re)n/ man dach van rechte te comp(ar)e(re)n alh(ier) inde banck/ voe(r) meye(r) en(de) scepen(en) van loeven(e) doen besceyd(en)/ oft zij d(aer)tegen yet hadden willen allige(re)n Ald(aer)/ zij op heden als ten dage van rechte d(aer)toe dienen(de)/ niet gecomp(ar)eert en zijn noch p(ro)cur(eur) van hue(re)n/ wegen ende willem(me) van leefd(ale) als p(ro)cur(eur) des/ selfs geleidden comp(ar)e(re)nde en(de) trecht voirts v(er)sueken(de)/ soe v(er)re dat scepen(en) van loeven(e) t(er) maniss(en) smeyers/ nae dat hen behoirlijc gebleken heeft bij rap/ porte laureys van valkenborch tvoirs(creven) exploit/ geschiet te zijne gewesen hebben met vo(n)nisse/ Wair de wed(er)p(ar)tie vanden voirs(creven) geleidden niet/ en comp(ar)eert voe(r) den opstaen(en) smeyers en(de) der scepen(en)/ datmen den selven geleidden vand(en) voirs(creven) goeden/ houden soude inde macht van sijne(n) beleide scepen(en)/ brieven ende leveri(n)gen alsoe v(er)re alst noch voir/ scepen(en) comen is in scampno dece(m)br(is) t(er)cia