Dair bijden raide vander stad gecomp(ar)eert zijn lod(ewijc)/ de voeght ende met hem e(n)nige vanden gebue(re)n/ vanden borreputte gelegen inde groeve te kennen/ geven(de) tgroot ongerief dat zij hadden vanden selve(n)/ borreputte en(de) tperikel dat d(aer)inne was des zij he(n)/ gedroegen tott(er) stad geswren meest(er)s en(de) werclieden/ den welken zij verdingt hadden een werf en(de)/ anderwerf Ende ten yerste(n) male aen eene(n) man/ geh(eten) jan vanden male woenen(de) inde ridderstrate/ voir xxx r(ins)gul(den) en(de) v st(uvers) die eensdeels op sijn/ schoen woirden en(de) toeseggen d(aer)af betaelt was/ soe dat blijct bij seke(re)n sijne(n) kerven en(de) nogta(n)/ nietsniet gedaen en hadde Ten ande(re)n en(de) lesten/ male aen janne van zallaken v(er)dingt bij laste/ en(de) bevele vand(er) stadt om xxx r(ins)g(ulden) die d(aer)/ aen bego(n)nen hadde te wercken en(de) niet voldaen/ hoe wel hem oick xxiii r(ins)gulden(en) d(aer)op alreede/ sijn bet(aelt) [soe dat blijct bij kerve(n)] ende die tselve heeft laten liggen/ alreede wel xiiii nacht tijts oft meer leyden(de)/ de selve deen weeke voe(r) en(de) dande(r) nae met/ schoonen woirden Ende want de stad bevond(en)/ heeft bij hue(re)n meeste(re)n die tselve werck/ hebben gevisiteert dat desen putte leecht/ zee(r) sorchelijc en(de) in groten perijkel en(de) dat/ noot wae(r) om de menichvuldich(eit) vanden/ wagen(en) en(de) getouwe(n) die d(aer) dagelijcx te/ lijden(e) hadden dat dien t(er)stont en(de) sonder/ / e(n)nich vertreck wordde geholpen uten perijkel/ En(de) bevond(en) dat h(ier) mede egheenss(ins) en dochte/ vertogen om der huysen wille die dair bij/ stonden ende meer ande(r) ongerieven die d(aer) aff/ comen mochten Oic om der clachte(n) wille die dair/ uuyt gebuerd(en) in div(er)sen manie(re)n soe zij dat/ bij hue(re)n eede last gehadt hebben(de) van dien/ te visite(re)n gecleert hebben Soe es bevolen/ meeste(re)n alarde meest(er) metse(r) vand(er) stadt/ en(de) gelast op sijnen eedt hier inne te v(er)siene/ en(de) te hulpen versien bij getrouwe(n) vercluden/ dat hij t(er)stont en(de) sonder e(n)nich vertreck h(ier)inne/ behulpt doen soude opden cost der gebue(re)n die/ den selve(n) putte geholpen ende gestelt wordde/ uute(n) selve(n) perijkele sonder taensiene sondach/ oft heylichdach mits den noode en(de) perijkele/ voirs(creven) Om dat gebreck voirts bijden selven/ gebue(re)n verhaelt te moegen wordden soe aend(en)/ selven janne van zallaken soe aend(en) anderen/ voirs(creven) dient voir hem verdinct hadde elken/ van sijnd(er) coma(n)tscap Dwelc meest(er) alart ald(us)/ aengenomen heeft te doene in (con)s(ili)[o] op(idi) p(rese)ntib(us)/ pynnoc buets(ele) burg(imagis)[tr(is)] et plu(r)ib(us) aliis junii/ xxvii