Item arndt vynck ende mathijs wynter als heylig(eest)/ meest(er)s der kercken van s(in)[t] jacops te loeven(e) die/ vercleerd(en) dat des nae bescr(even) steet gedaen is onlancx/ / leden met wille weten(e) ende consente he(re)n reyners/ vand(er) elst p(ro)chiaen van s(in)[t] jacops ende seke(r) goede/ ma(n)nen vand(er) selver p(ro)chien te weten(e) he(re)n mach(iels)/ absoloens ridde(r) anth(onijs) zijns soens jans blanckart joes/ van oerbeke doude jaspars van aelst laureys crabbe/ m(er)tens cornelis ende veel meer and(er) goed(e) ma(n)nen/ vand(er) voirs(creven) p(ro)chien t(er) eenre ende joh(ann)es de vos/ t(er) ande(re) in p(rese)ntia hebben gekindt en(de) gelijdt dat/ zij aengaen(de) alsulken thien goud(en) croenen erffelijc/ als den voirs(creven) heylige(n)geest als legatar(is) he(re)n augustijns/ wijlen vand(er) borchoven ridders die den selven heylig(en)/ geest ond(er) den ande(re)n de voirs(creven) erfrinte met testa(men)[te]/ gemaict en(de) gelaten heeft heffende is op sekere/ goede nu des voirs(creven) jans de vos tot berthe(m) gelege(n)/ welcke joh(ann)es hem beclagende was dat de selve/ goede langhe driesch gelegen hadd(e) en(de) vele costen/ d(aer)op gedaen heeft om die eensdeels wed(er)om/ te bringen tot wynnen(de) lande met malcande(re)n/ overcomen en(de) eenswordden zijn der pointe(n) en(de)/ vorwerden nabescr(even) Ierst dat de voirs(creven) joh(ann)es/ de vos van nu voirtane eene(n) t(er)mijn van/ zesse naistvolgen(de) jae(re)n gestaen sal en(de) geloeft/ heeft jairlijcx te betalen(e) den selven t(er)mijn/ due(re)nde elcx jairs voe(r) de voirs(creven) thien gouden/ cronen thien rinsgulden(en) te xx stuv(er)s tstuck/ tot alsulken twee t(er)mijne(n) s(jae)[rs] als de brieven/ begripen quol(ibe)t ass(ecu)[tu(m)] d(aer)af den yersten t(er)mijn/ sijn sal penulti(m)a januarii nu naistc(omende) ende dit/ sonder p(re)judijs vand(en) selve(n) erfbrieven en(de) erfrinte(n)/ voirs(creven) naed(en) selve(n) tijt van zesse jae(re)n geexpireert/ zijnde welken tijt ov(er)leden zijnde de voirs(creven)/ joh(ann)es oft de houders vand(en) voirs(creven) goeden van/ dan voirtane schuldich sullen zijn de geheel/ rinte te betalen(e) nae uutwijsen(en) der br(ieven) voirs(creven)/ oft te panden dair voe(r) te laten(e) Item es oick/ / bevorwert want de voirs(creven) joh(ann)es de vos alle/ de voirs(creven) goede pandt wesen(de) voe(r) de voirs(creven)/ erfrinte alnoch niet gebroken en heeft noch/ wed(er)om gebracht tot wynnen(de) landen dat de/ selve joh(ann)es die alle bynnen den voirs(creven) t(er)mijne/ sal doen wel en(de) loffelijck wynnen en(de) werven/ gelijc r(e)genoeten en(de) die alsoe laten ten uuyt/ gane vanden voirs(creven) t(er)mijne ende dat de selve/ joh(ann)es bynnen middele(n) tijde de voirs(creven) goede/ pant wesen(de) niet en sal moegen arge(re)n oft/ bloeten mair altijt bete(re)n Ende want vand(er)/ voirs(creven) erfrinte(n) gevallen zijn zijndert der aflivich(eit)/ vr(ouwe) (christ)inen wijlen vand(er) borch weduwe als zij/ leefde des voirs(creven) he(re)n augustijns ii(½) jairrinte(n)/ ombet(aelt) wesende soe es bevorwert dat joh(ann)es/ de vos inde stat van dien acht(er)stelle jairlijcx/ betalen sal roelofve lombart alsulk(en) twee/ rijders lijfpen(sie) vallen(de) jairlijcx in augusto als/ de voirs(creven) h(er)augustijn met zijne(n) borgen schuldich/ is den selven roelofve met oic den t(er)mijne/ d(aer) af gevallen in augusto lestleden ende/ dat jairlijcx soe lange de selve roelof/ leven sal ende den heylige(n)geest voirs(creven)/ en(de) de borgen d(aer)voe(r) v(er)oblig(er)t en(de) hue(r) goede/ alsoe d(aer) af ontlasten allessins tot coste en(de)/ laste desselfs joh(ann)es de vos It(em) in gevalle/ derfgename(n) der voirs(creven) vr(ouwe) (christ)inen oft h(er)jan/ de mol ridde(r) huer naman bevond(en) wordden/ nae recht gericht te zijne inde voirs(creven) rinte/ des den heylig(en)geest houdt neen soe es/ bevorwert soe v(er)re die rinte int geheele/ oft eensdeels den selve(n) heyligeeste/ naemaels met rechte afgewesen wordde/ en(de) de selve erfgename(n) oft h(er)jan de mol/ / inden selven gevalle alsdan niet te vreden/ en wouden zijn met desen appointeme(n)te/ mair willen(de) geheel hebben de voirs(creven) erf/ rinte van thien gouden croenen met oic den/ voirs(creven) acht(er)stellen van ii(½) jae(re)n d(aer)af alsnu/ gevallen ende ombetaelt wesen(de) als voe(r) dat/ den voirs(creven) heylig(en)geest des(en) appointeme(n)te/ niet wed(er)staende inden selven gevalle sal/ gestaen aenden voirs(creven) joh(ann)ese de vos mits/ r(e)stitutien van alsoe vele als den selven heylige(n)/ geest soude moegen ontfaen hebben van tgene/ des den selven heylige(n)geest alsoe met rechte/ afgewesen soude moegen wordden ende dat/ in dien gevalle van des(er) de erfg(enamen) voirs(creven) oft/ h(er)jan de mol voirs(creven) d(aer)af souden bliven op/ hue(r) beloep van rechte op hue(r) pand(en) voirs(creven)/ cor(am) bouchout baets januarii qui(n)ta