Item al eest dat de voirs(creven) anth(onijs) ende gheert/ geloeft hebben den voirs(creven) ja(n)ne van maelcoten als/ hue(re)n borghe vand(er) borchtocht voirs(creven) schadeloes/ tontheffen(e) soe heeft nochtan bekint de selve/ jan van maelcote dat hij bij (con)sente der selve/ anth(onijs) ende gheerts de pe(n)ni(n)g(en) d(aer)af gecomen/ getogen heeft ende dat inde stat van alsulken/ rechte als den selve(n) janne van maelcote/ competeert ende toebehoirt soe hij v(er)cleerde in/ seke(r) erfgoede uuyt crachte van testa(men)[te] van/ wijle(n) beatricen boeg(ar)t zijnd(er) huysvr(ouwe) als zij/ leefde mett(en) welk(en) zij he(m) bij d(en) selve(n) testa(men)[te]/ gewillecoirt heeft sijne(n) wille te doene Mits/ welk(er) pe(n)ni(n)gen voirs(creven) de selve jan van maelcote(n)/ allessins quijtgescouden heeft tselve sijn recht va(n)d(en)/ voirs(creven) testame(n)te den selve(n) goeden aengaen(de) ende/ oick vand(en) tocht die hem nad(en) lantrechte d(aer)/ inne soude moegen e(n)nichssins toebehoe(re)n tot behoef/ van sijne(n) twee wettigen dochte(re)n die hij behouden/ heeft vander selver beatrice(n) die nu getrouwt hebbe(n)/ den voirs(creven) anth(onijse) ende gheerde Consente(re)nde dat de/ selve sijn dochte(re)n ende hue(r) ma(n)s voirs(creven) voirtane/ die sullen moegen aenverden ende hue(r) p(ro)fijt/ dair mede doen Behalven dat jan va(n) maelcote(n)/ d(aer)af noch trecken sal tsijne(n) p(ro)fijte de vruchte(n) nu/ / d(aer)op staende sonder meer behalven oec dat zij hem/ allessins costeloes ende scadel(oes) ontheffen sulle(n) vander/ borchtocht voirs(creven) promitt(entes) sat(is) siquid cor(am) eisd(em)