Vand(er) q(ue)stie(n) gecome(n) bijd(en) raide vand(er) stadt tussche(n) arnde/ vander eect t(er) eend(er) en(de) denijse helscheviers ja(n)ne v(er)lane(n) pete(re)n/ van gheele en(de) ja(n)ne de gouwe(re) t(er) and(er) zijd(en) ae(n)gaen(de) den o(n)gelde/ vanden wagen(en) by(n)nen des(er) stad comen(de) d(aer)af de selve art alsnu/ pechtene(r) es v(er)sueken(de) va(n)d(en) voirs(creven) p(er)sone(n) te hebbe(n) dongelt van/ hue(re)n wijne(n) gewasse(n) opden kesselberch by(n)nen der vrijheyt/ van des zij v(er)cocht en(de) bracht mochte(n) hebben met hue(re)n/ wagen(en) en(de) p(er)den D(aer) af de voirs(creven) wed(er)p(ar)tie de (contra)rie sustineerde/ te voirde(r) wa(n)t zij bynne(n) der vrijh(eyt) geseten zijn en(de) also/ staen te scote en(de) te lote als ingeseten(en) en(de) d(at) hij alsoe op/ hen verdoelt was en(de) dat sijn pechti(n)ge alleen(e) wae(r) te v(er)staen(e)/ van goede en(de) wagen(en) van buyte(n) der vryheyt innecomen(de)/ d(aer) zij hen niet aen en stieten Es uutgespr(oken) en(de) get(er)mi(n)eert/ dat de voirs(creven) arnt met sijnen voirnemen(en) verdoelt es/ en(de) dat de voirs(creven) sijn wed(er)p(ar)tie d(aer)af sal bliven/ ongelast van tgene des zij bynne(n) der vryh(eyt) h(ier)bynne(n) gelev(er)t/ oft v(er)cocht moge(n) hebben soe v(er)re dat den wage(n)gelde/ ae(n)gaet cor(am) schoo(n)vorst burg(imagistr)[o] et aliis de (con)s(ili)[o] dece(m)br(is) ix[a]