Allen den ghenen dat jan vanden werve sone/ wijlen he(re)n machiels vanden werve ridders nu t(er)/ tijt woenen(de) te loeven(e) in p(rese)ntia heeft geco(n)st(itueert) (et)c(etera)/ sond(er) e(n)nich wed(er)roepe(n) he(re)n janne janszone al(ia)s/ m(ar)tini prieste(r) om alsulken erfrinte van twintich/ schellingen groten brabants gelts goet en(de) cusbair/ gelijc telken dage van betalingen gemeynlijck/ bynne(n) antwerpen in borsen gaen als hij jairlijcx/ heeft en(de) heffen(de) es op een hoeve met huysi(n)gen/ hovi(n)gen landen beempden hagen bosschen gronde(n)/ en(de) toebehoirten staen en(de) belegen te berlair/ inde smeetstrate toebehoiren(de) nuterijt henr(icke)/ van mechelen henricxz(one) Van nu voirtane te/ manen teysche(n) optebue(re)n en(de) tontfangen d(aer)voe(r)/ te panden te dagen en(de) alle rechtvorderi(n)gen en(de)/ executie(n) van rechte d(aer)om te doene en(de) oik de/ selve erfrinte voirs(creven) te v(er)coepen te versetten te v(er)thie(re)n/ en(de) nae zijnd(er) gelieften d(aer)af te dispone(re)n en(de) den/ coepe(r) oft coepers van dien d(aer)af behoirl(ijcke) gued(inge)/ en(de) vestich(eit) te doene met alle(n) solempniteyten/ van rechte d(aer)toe behoiren(de) de pe(n)ni(n)ge(n) d(aer)af comen(de)/ / tontfangen en(de) volc(omen) quitan(cie) te geven(e) ende voirtane/ gene(r)alijc en(de) spe(ci)alijc met der voirs(creven) erfrinten te doen(e)/ al tgene dat de voirs(creven) jan vand(en) werve selve doen/ soude moegen wairt dat hij ald(aer) p(rese)nt en(de) tegewoirdich/ wae(r) Promitt(ens) rat(um) et grat(um) infutur(um) absq(ue) calculo/ desup(er) fiendo cor(am) ijssche burg(imagistr)[o] buets(ele) bouch(out) scabinis/ januarii xviii