Want gorijs vand(er) mazen als p(ro)cur(eur) jans de h(er)toge/ geleydt zijnde nae des(er) stadt recht voir sijn/ wettich gebreck uuyt crachte van scepen(en) br(ieven)/ van loeven(e) tot allen den goeden beyde have/ en(de) erve claes van waelhoven soe wair die/ gelegen zijn hem met brieve(n) van des(er) stadt/ gescreven aend(en) meye(r) vand(er) gheten oft zijne(n) stadt/ houde(r) te landen(en) alle de selve goede behoirl(ijc)/ heeft doen leve(re)n ende den selve(n) clase sijne(n)/ wynne(n) en(de) pechtene(re)n dach van rechte te/ comp(ar)e(re)n alh(ier) inde banck voe(r) meye(r) en(de) scep(enen)/ van loeven(e) doen besceyden oft zij hen d(aer)tege(n)/ hadd(en) wille(n) oppone(re)n Ald(aer) zij op heden als ten/ dage van rechte d(aer)toe dienen(de) niet ge(com)p(ar)eert/ en zijn noch niema(n)t van hue(re)n wegen den/ voirs(creven) geleidden comp(ar)e(re)nde en(de) trecht voirts/ versueken(de) soe v(er)re dat de scepen(en) van loeven(e)/ t(er) manissen smeyers nae dat hen behoirl(ijc) gebleke(n)/ heeft bij resc(ri)pte wout(er)s van boele tvoirs(creven) exploit/ / geschiet te zijne gewesen hebben met vo(n)nisse/ wair de wed(er)p(ar)tie vand(en) voirs(creven) geleidden niet/ en comp(ar)eert voe(r) den opstaen(en) smeyers en(de) der/ scepen(en) datmen den selven geleidden vand(en)/ voirs(creven) goeden houden soude inde macht van/ sijne(n) beleide scepen(en) br(ieven) en(de) leveri(n)gen alsoe v(er)re/ alst noch voir scepen(en) comen es in scampno/ januarii xxiii