Inder saken uuytstaende inde banck voe(r)/ meye(r) ende scepen(en) van loeven(e) tussche(n) woute(re)n/ van quaderebbe t(er) eende(r) en(de) arnold(en) van vroe(n)hoven/ t(er) and(er) zijd(en) nae dien op heden de voirs(creven) ar(nol)[d(us)]/ zijn beleidt heeft geexhibeert en(de) oic de pechti(n)ge/ en(de) scult brief d(aer)uuyt de schult spruyten(de) es/ versueken(de) alsoe de voirs(creven) wout(er) dat arnold(us)/ zijn scult ve(r)ifice(re)n en(de) clee(re)n soude t(er) stont/ D(aer) tegen de voirs(creven) arnold[(us)] beg(er)t heeft dach van/ viii dagen om zijn beraet d(aer)op te hebben(e)/ en(de) zijn scult alsdan te ve(r)ifice(re)n De voirs(creven)/ wed(er)p(ar)tie de (contra)rie sustine(re)nde als voe(r) es gewese(n)/ t(er) manissen smeyers bijd(en) scepen(en) dat de voirs(creven)/ arnold(us) tot des voirs(creven) steet te doene ende/ des hij gep(rese)nteert heeft hebben sal dach van/ op heden over acht dagen in scampno p(rese)ntib[(us)]/ om(n)ib(us) dempto pynnoc febr(uarii) ix[a]