Item es bevorwert tusschen de voirs(creven) voirs(creven) p(ar)tien/ dat de voirs(creven) rombout ende sijn huysvr(ouwe) tvoirs(creven) huys/ yerst aenveerden zulle(n) s(in)[t] jansmesse naistcomen(de) en(de) tot/ dien dage toe yncluys sullen machiel en(de) zijn huysvr(ouwe)/ de hue(r) alsdan verschijnen(de) trecken en(de) alle co(m)me(re)n/ alsdan gevallen en(de) ten selven s(in)[t] jans(mes)s[e] vallende/ betalen en(de) tvoirs(creven) huys d(aer) af ontlasten cor(am) eisdem