Allen den genen dat jouff(rouwe) lijsbeth rethema(n)s/ beghine inden groten beghijnhove te loeven(e) in/ p(rese)ntia heeft gekint en(de) gelijt dat lijsbeth/ van coudenb(er)ge en(de) hue(r) twee zust(er)s wonen(de) te/ bercheyck huer gelost en(de) afgequeten hebben/ een mudde rogs tsjaers erfpachts van alsulken/ onderhalven mudde rogs sjaers erfpachts der/ maten van eersel jairlijcx op ons(er) liev(er) vr(ouwen)/ dach liechtmesse te betalen(e) d(aer)af zij dander/ half mudde roggen erfpachts noch behoudt/ dat zij heffen(de) es aen en(de) op eene(n) bucht/ gelegen inde p(ro)chie van bercheycke met/ eend(er) zijden aen die gemeyn strate mett(er) and(er)/ zijden aen derve wijle(n) jans kuckux dat/ hij van henr(icke) loden v(er)cregen hadde met/ eene(n) ynde aen des jonghen loden erve en(de)/ mette(n) ande(re)n eynde aen die gemeyn strate/ Ende dit om en(de) voe(r) eene seke(r) so(m)me van/ pe(n)i(n)gen die de voirs(creven) jouffr(ouwe) lijsbeth rethema(n)s/ vand(er) voirs(creven) gesuste(re)n van coudenberghe bekint/ / heeft voe(r) de voirs(creven) afquitinge vand(en) eenen/ mudde rogs erff(elijck) voirs(creven) gehaven en(de) ontfa(n)gen/ te hebben(e) ende d(aer) af zij heur van hen bekint/ voldaen te zijne Scelden(de) d(aer)om vanden selven/ mudde roggen tsairs voirs(creven) volcomelijc quite/ de voirs(creven) gesuste(re)n van coudenb(er)ge en(de) hue(r)/ erve voirs(creven) ende alle ande(re) des quitan(cie) behoeven(de)/ Ende heeft voirtmeer de voirs(creven) jouff(rouwe) lijsbeth/ ger(e)voceert en(de) wed(er)roepen en(de) mits des(er) r(e)voceert/ en(de) wed(er)roept alle alsulke p(ro)cu(r)atie(n) en(de) mechtich(eiden)/ als zij tande(re)n tijden gepasseert en(de) gemaect/ mach hebben tot des(en) dage toe voe(r) wat/ gerichte dat zij ja(n)ne thiele(n)s van gestele/ en(de) alle ande(re) wie die zijn willen(de) dat die/ van nu voirtane crachteloes en(de) machteloes/ en(de) van onweerden zijn sullen ende dair voe(r)/ gehouden wordden Ende d(aer)entinden heeft/ de selve jouffr(ouwe) lijsbeth van nyeuws geco(n)/ st(itueert) en(de) mechtich gemaect den voirs(creven) ja(n)ne/ thiele(n)s van gestele om inden name van heur/ te comp(ar)e(re)n voe(r) de wet van bercheycke oft/ elswair dair des behoeven soude moegen/ ende op dat zijs beghe(re)n met rechte op te/ dragen tvoirs(creven) afgequete(n) mudde roggen erfp(achts)/ en(de) d(aer)af wettelijc te renu(n)tie(re)n en(de) te v(er)thijden/ ende de voirs(creven) gesuste(re)n van coudenberghe d(aer)/ inne te ghichten en(de) te goeden met allen/ solempniteite(n) van rechte nad(er) banck(en) recht/ d(aer) toe behoe(re)nde te geschien ende niet voirde(r)/ promitt(ens) rat(um) salvo iusto calculo cor(am) eisd(em)