Want hee(r) ende meest(er) jan wemeldingen doctoir/ in beyden rechten als geleidt nae des(er) stadt recht/ voir zijn wettich gebreck uuyt crachte van scepen(en)/ br(ieven) van loeven(e) tot allen den goeden beide have en(de)/ erve reyners wijle(n) maes en(de) lijsbetten waeyen/ zijnd(er) huysvr(ouwe) soe wair die gelegen zijn hem met/ br(ieven) van des(er) stadt gescreven aend(en) meye(r) van ned(er)linte(r)/ oft zijne(n) stadhoude(r) alle de selve goede behoirlijc/ heeft doen leve(re)n ende den kinde(re)n oft erfgenamen/ der voirs(creven) gehuysschen dach van rechte te comp(ar)e(re)n/ alh(ier) inde banc voe(r) meye(r) en(de) scep(enen) van lov(en) doen/ bescheid(en) oft zij hen d(aer)tegen hadden wille(n) oppone(re)n Ald(aer)/ zij op heden als ten dage van rechte d(aer) toe dienen(de)/ niet gecomp(ar)eert en zijn noch p(ro)cur(eur) van hue(re)n/ wegen ende willem(me) van leefdale als p(ro)cur(eur)/ des voirs(creven) geleidden comp(ar)e(re)nde en(de) trecht voirts/ versueken(de) soe v(er)re dat de scepen(en) van loeven(e)/ t(er) manissen smeyers nae dat hen behoirl(ijc) gebleken/ heeft bij rapporte jans driedo smeets des(er) stadt/ bode tvoirs(creven) exploit gesciet te zijne gewesen/ / hebben met vo(n)nisse wair de wederp(ar)tie vand(en)/ voirs(creven) geleidden niet en comp(ar)eert voe(r) den opstaen(en)/ smeyers ende der scepen(en) datmen den selven geleidd(en)/ vand(en) voirs(creven) goeden houden soude inde macht van sijne(n)/ beleide scepen(en) brieven en(de) leveri(n)gen alsoe v(er)re alst/ noch voir scepen(en) comen is in scampno aug(usti) xxix