Inder saken geport voe(r) de wethoude(re)n der stadt/ van loeven(e) tusschen lamb(er)tu(m) duffay den jonghe(n)/ t(er) eenre ende seke(re)n sijne(n) laten geheeten/ tena(n)s namelijc janne rosseal en(de) symoen(e) van/ gest inden name van hen en(de) van hue(re)n mede/ plege(re)n van sijne(n) laethove en(de) heerlich(eit) gelege(n)/ te gest a geropont t(er) and(er) zijden aldair de/ voirs(creven) lambrecht de selve laten met des(er)/ stadt brieve(n) bescreven hebben(de) te kynne(n) gaf/ hoe dat zijn meye(r) ald(aer) gep(ro)cedeert hadde uuyt/ gebreke van seke(re)n chijse van twee cap(uynen) en(de)/ twee ligoix zijnd(er) heerlich(eit) voirs(creven) op seke(r) goed(en)/ toebeh(oerende) der p(ro)chiaenschap ald(aer) Te weten(e) op een/ boeg(ar)deken oft hoefken gelegen te gest voirs(creven)/ tusschen de goede he(re)n jacops [wilen] van glymez ridd(e)rs/ t(er) eenre te name(n) w(er)t ane en(de) de goede die/ wijlen wae(re)n motta de cockemo(n)t nu toebeh(oerende)/ den godshuyse van vileer en(de) de gemeyn strate/ ald(aer) Ende dat soe v(er)re gep(ro)cedeert was als/ dat dierste tweeste derde en(de) iiii[de] genechten/ van gr(aci)en wae(re)n gebuert ende totter uutwi(n)/ ni(n)gen toe En(de) dat de voirs(creven) cureyt de conde/ hebbende tselve niet en hadde willen schutten/ latende den pandt voe(r) den chijs en(de) dat de/ / laten voirs(creven) bij zijnen meye(r) gemaent zijnde/ anders niet en hadde willen schutten wijsen/ dan dat zij de p(ro)cedue(re)n ald(aer) gebuert te he(n)w(er)ts/ hielden om in tijde en(de) wijlen d(aer)af te geschien/ dair ende soe dat behoe(re)n soude D(aer)af de/ selve lamb(er)t hem beclaeghde vanden selven/ sijnen laten versueken(de) de selve met recht/ bedwongen te hebben(e) dat zij navolgen(de) der/ voir p(ro)cedue(re)n hem recht en(de) justie voirt/ doen souden der saisine(n) en(de) uuytwi(n)ningen ae(n)gaen(de)/ als dat behoirt dwelc zij gediffereert en(de)/ geweyg(er)t hadden sonder tselve te willen doene/ wes versueke de voirs(creven) lamb(er)t oft zijn meye(r)/ d(aer)om tot meer stonden aen hen hadde co(n)nen/ gedoen De voirs(creven) late(n) d(aer)tege(n) seggen(de) dat/ zij wae(re)n sympel ende hen beduchten dat/ zij anders souden moegen doen dant behoirde/ want zij jonck wae(re)n ende niet lange sijn/ laten geweest en hadden ende besund(er)t dat/ sij soud(en) moegen doen tegen tgerichte en(de)/ heerlich(eit) der he(re)n der cap(it)len van s(in)[te] bertel(meeus)/ te luydick die d(aer) oic een banck hadden/ en(de) gronthe(re)n wae(re)n van div(er)sen goeden/ ald(aer) ende dat zij niet geweten en hadden/ dat ald(aer) bij hen oft hue(re)n voirseten oyt e(n)nige/ vo(n)nisse(n) gewesen wae(re)n geweest t(er) causen/ vanden laethove des voirs(creven) lamb(er)ti Meynen(de)/ alsoe dat zij dat doen soud(en) bij middele/ vand(er) voirs(creven) banck der he(re)n van s(in)[te] bartel(meeus)/ en(de) aen hen ov(er)bringen souden en(de) niet bij/ hen selven alleene om bijd(en) selve(n) van s(in)[te]/ bertel(meeus) d(aer) af gedaen te wordden soe behoe(re)n/ soude Seggende oic dat zij egheene(n) zegel/ en hadden den hove des voirs(creven) lamb(er)ti ae(n)gaen(de)/ / De voirs(creven) lamb(er)dt replice(re)nde heeft gesustineert/ dat zij als laten zijnd(er) heerlich(eit) voirs(creven) hem/ recht doen souden ende de(n) late(n) duplice(re)nde/ sustineerd(en) de (contra)rie mits den reden(en) voirs(creven)/ Hebben de he(re)n wethoude(re)n op al int lange/ geledt zijnde gevisiteert oic de brieve(n) des/ voirs(creven) lambr(echts) die hij sijnd(er) heerlich(eit) aengaen(de)/ hebben mochte en(de) ald(aer) exhibeerde van sijnen/ vercrijghe ende sijnd(er) voirsete(n) uuytgesproken/ en(de) get(er)mineert voir recht dat de voirs(creven)/ sijn laten en(de) hue(r) medebrueders navolgende/ hue(re)n eedt voirs(creven) sculdich soud(en) zijn nad(er)/ handelingen ald(aer) voir hen gebuert recht/ vo(n)nisse en(de) justitie [te] doene van saisine(n) oft/ and(er)ssins alsoe zij nae recht bevi(n)den souden/ behoe(re)nde Ende soe verre de selve lamb(er)tus/ oft zijn meye(r) d(aer)af besegheli(n)ge soud(en) willen/ hebben en(de) vestich(eit) voe(r) den toecomen(den) tijt/ vand(er) brieve(n) vand(en) selven gewijsd(en) dat zij/ dan in dien gevalle tselve soud(en) ov(er)bringen/ bijd(er) banck ende wethoude(re)n der he(re)n van/ sinte bertel(meeus) voirs(creven) om bij hen en(de) hue(re)n ov(er)bri(n)g(en)/ besegelinge tot huer(er) beg(er)ten te geschien soe/ behoe(re)n soude Act(um) in (con)s(ili)[o] opidi cor(am) schoo(n)vorst/ ijssche burg(imagis)[tr(is)] pynnoc hoeven buets(ele) scab(inis)/ udekem borchoven et plu(r)ib[(us)] aliis de (con)silio/ julii t(er)cia