Ind(er) saken genome(n) bijd(er) raide vand(er) stat tussche(n) (christ)iaen/ bone al(ia)s meske(n) t(er) eenre en(de) ja(n)ne de cuype(re) wonen(de)/ int gulden cruys t(er) and(ere) aengaen(de) den bewinde ende/ hanteri(n)gen vand(en) bierass(ijsen) die de vors(creven) twee p(er)sone(n) in/ tijden vorlede(n) tegen de stat genome(n) hebbe(n) gehat D(air)aff/ de vors(creven) de vors(creven) (christ)iaen bone beg(er)de van janne reken(inge)/ te maken(e) en(de) te hebben(e) vand(en) vors(creven) janne vand(er) geheeld(er)/ hanteri(n)gen wi(n)ne(n) en(de) v(er)liese dat d(air)inne gelegen soud(e)/ mog(en) zijn Dair tegen de vors(creven) jan div(er)se exceptien/ prop(ro)ne(re)nde seyt dat hij noch niet wel bereet en was
//
soe mits den faulte(n) vand(en) bried(er)s en(de) ande(re)n reken(inge) die/ hij metten r(e)g(ist)re te doen heeft soe hij seeght Es uutge/ sproken en(de) get(er)mineert bijden selve(n) raide dat de vors(creven)/ jan sijn diligen(cie) doen sal binne(n) viii dage(n) om mett(er) mi(n)ne(n)/ met malcande(re)n te reken(e) en(de) te accorde(re)n op dat zij/ co(n)ne(n) Ende oft des niet en gebuerde binne(n) de(n) selve(n)/ tijde dat jan in die(n) gevalle ten naiste daige van/ rechte sijn rekeni(n)ge in rechte ov(er) te geven(e) om dairaff/ gedaen te wordden soe beho(r)en soude Actu(m) in (con)s(ilio) opidi/ junii xxviii[a]