Wij graven winde scepe(nen) van loeve(nen) doen/ condt eenen iegel(ijcken) dat op heden datum deser voer/ ons gecomp(a)rert zijn in propren p(er)soone steven claes/ metser ende ingeseten(en) poirter deser stadt van/ loeve(nen) gesont van lichaeme ende sij(nen) vijff/ sinnen over al wel machtich zijn(de) soo tselve/ openbaerl(ijck) bleke overdencke(nde) de broischeijt der/ menschelijcker natue(r) der doot subject zij(nde) ende/ dat nijet sekerder en is dan de doot e(nde) nijet
//
onsekerder dan de ure der selver Begerende/ daero(m)me deselve co(m)parant deselve doot te/ preveniere(n) ende van sijn(e) tijtelijcke goed(eren) hem/ bij gode van hemelrijcke op deser werelt/ v(er)leent te disponeren heeft in alder bester/ formen vuegen wege(n)n e(nde) manie(ren) hem doen(lijck)/ zij(nde) gemaect e(nde) maect midts des(en) dit/ zijn jegenwoirdich testame(n)t e(nde) uuijtersten/ wille welck hij wilt ende begeert van weerden/ gehouden te wordden tsij bij forme van testame(nte)/ oft codicille nijettegenstae(nde) dat alle sole(m)pniteijten/ van rechte d(aer)inne nijet geobserveert maer/ bij aventue(r) v(er)gheten waer Inden iersten bevelt/ de voers(creven) testa(men)tuer sijn(e) siele gode va(n) hemelrijcke/ maria sijn(e) geben(ed)ijde moede(r) e(nde) allen den/ hemelsche(n) heijre ende sijn doot lichaem der/ geweijder aerden inder prochien daer hij bevonden/ sal wordde(n) afflijvich te zijn(e) Item de voers(creven)/ testatuer laet e(nde) maect der fabrijcken van/ s(in)[te] rombouts te mechelen indijen hij eenich/ onrechtveerdich goet hadde d(aer)aff hij v(er)cleert niet/ te wete(n) ee(nen) st(uijver) eens wille(nde) e(nde) ordinere(nde) voirts/ de voers(creven) testatuer dat alle sijn(en) goeden tsij/ haeffel(ijck) oft erffel(ijck) ende vriege(n)de erve d(aer)aff/ hij testatuer macht heeft te moge(n) disponeren/ naer sijn(e) afflijvicheijt sullen succedere(n) ende/ devolveren opde wettige kinderen va(n) marie
//
claes sijn(en) dochter e(nde) wettige huijsvrouwe/ jans van rillaer alle deselve kinderen d(aer)inne/ sijn(e) erffge(namen) noeme(nde) e(nde) kiese(nde) behalven der v(oer)s(creven)/ sijn(e) dochte(r) inde selve goede(n) hue(r) tocht/ wille(nde) dat nae sijn(e) afflijvicheijt alle zijn(e)/ muebele goeden sullen op hoogen v(er)cocht word(en)/ ende dat de pen(ningen) d(aer)aff come(nde) e(nde) onerende/ boven sijn(e) kerckenrechten e(nde) wettighe schulden/ sullen geappliceert wordden aen erffrenten/ tot behoeff der voers(creven) kinderen behalve(n) der/ selver moeder d(aer)inne hae(r) tocht ordinere(nde)/ midts desen momboirs der selver kinderen twee/ vande weesmeesters dienen te(n) tijde van sijn(en)/ afflijvicheijt bevinden sal weesmeesters te/ wese(ne) deselve midts des(en) aucthoriserende/ om de voers(creven) kindere(n) ende hue(r) goeden te regere(n)/ soo lange ende totter tijt toe sij tot wettigen/ ende geapprobeerden state sullen gecome(n) zijn/ oft [tot hunne wettige dagen ende] compete(nten) ouderdom gecomen sullen zijn re/ servere(nde) de voers(creven) testatuer talle(n) tijd(en) hierinne/ sij(ne) voirder dispositie van meerderen e(nde) minderen/ ende dat alst hem belieffven sal alle welcke(n)/ poincten ende conditien e(tcetera) junii xix[a]