Item m(eeste)r adolph du pretz secretaris deser stadt/ van lovene tot des naerbescreven staet te doene/ speciaelijck ende onwederroepelijck bij michielen/ muijshout cremere woonende te bruessele/ voor m(eeste)r charles vander noot openbaer notaris/ ende sekere getuijgen op ten xvi[e] maii xv[c] lxvi/ geconstitueert sijnde in presentia heeft uuijt/ vermoegen der selver constitutie gecedeert ghe/ transporteert ende over gegeve(n) cedeert transpor/ teert ende gheeft over mits desen heeren peetere(n)/ vander heijden prior des godtshuijs vande/ chartroisen bijnne(n) lovene tot behoeff vand(en)/ selve(n) godtshuijse alzulcke vijff rinsgulden te/ xx stuijvers stuck erffelijcke vallend/ jaerlijcx opt(en) xxviii[e] aprilis als schepenen kerckm(eeste)rs/ heijligegeestm(eeste)rs ende capellem(eeste)rs ende andere innegesetenen des dorps van libbeke opten/ xxii aprilis xv[c] xxviii voor schepenen van lovene/ personelijck bekint hebbe(n) gehadt jannen van/ zosmer mette(n) achterstell(en) ter cause(n) van dijen/ v(er)schene(n) met oijck de brieven in date voorscreven/ daeraff zijnde ten selven rechte et(cetera) coram/ duffle ketelboetere septembris [decembris] xiiii[a] 1573