Item paesschijnken van(den) pandtgaete dochter/ wijlen willems woonen(de) te loven(e), in/ presentia heeft versocht en(de) gepresenteert/ en(de) presenteert midts desen huere naederschap/ van alzulcken vierendeel van twee huijsen/ gestaen binnen deser stadt inde hoolstr(a)te/ tusschen thuijs der erffgenaeme(n) heeren/ en(de) m(eeste)r(e)n ritgardi sickinga ter eenre/ en(de) die goeden jans servaes ter andere/ zijden, comen(de) achter tot aen(den) goeden/ der erffgenaemen heers en(de) m(eeste)r herma(n)s
//
wijlen van steenberghe ter derder zijden,/ als lucas van baeckelgem en(de) catlijn/ bisschops zijne huysvrauwe woonen(de) insgel(ijx)/ te loven(e) opden lesten dach junii/ lestleden voer schepen(en) deser stadt/ vercreegen hebben gehadt van johanna/ van(den) pandtgaete met consente ende/ overstaene jans de pundere huers/ mans, Stellen(de) te dijen eijnde op deser/ stadt registre als onder weth goudt/ en(de) zilvere, te weten een goude croone/ van xlii stuijvers in specie en(de) een(en)/ zilffveren philips daelders, Gelovende/ voirts in alles te voldoene, zoo wa(n)neer/ cooper en(de) vercooper bij eede hen naer/ deser stadt recht van(den) rechtveerdige/ coopmansschappe behoirlijck zullen/ vercleert ende geexpurgeert hebben/ cor(am) bucq, goirdtz, julii iiii[a].

Item jaspar de begij(ne)em(aker)?/ bode heeft gerelateert/ hieraff de conde/ gedaen te hebben(e) aen/ lucas van baeckelgem/ en(de) jan de pundere/ als man en(de) momboir/ van johanna vanden/ pandtgaete, eodem