Item in tegenwoirdicheijt der schepenen/ van loven(e) naerbeschreven, gestaen/ carel rombouts ende adriaen van/ schutteputte rentm(eeste)rs derzelver stadt,/ uuijt crachte ende naer vermogen/ / vande acte vanden consente van de/ vier leden deser stadt, in date den/[vacat] alhier gesien/ ende gebleken, hebben uuijtgegeven/ ende bekinnen mits desen uuijtgegeven/ te hebben gielis van der borch/ ende anna weijenberch zijne/ huijsvrouwe, diewelcke bekinnen/ alsoe van de voirs(chrev)e rentm(eeste)rs ten/ erffchijse genomen te hebben voer hun,/ hunne erven ende naecommelingen,/ een huijs metten backhuijse ende/ alle andere zijne toebehoirten gestaen/ alhier tot loven in de hoelstraete/ nu geheeten de gulden sadel eertijts/ de wolsack, regenooten der stadt/ huijs genoempt de simme ter eenre/ ende nicolas busse ter andere sijden,/ gelijck t'zelve huijs van stadts wege/ voer gebreck van betaelinge van derthien/ rijnsguld(ens) xvii st(uijvers) ende sesse mijten is/ uuijtgedaegt geweest in den jaere xv[c]/ lxxxvi[tich] ende den voirs(chrev)e gehuijsschen/ metten uuijtganck van der berrender/ keersse gebleven xvii julii anno xv[c]/ xcvii[tich] erffel(ijck) te houden ende te/ besitten op de commeren ende lasten daer/ te voiren uuijtgaende, te weten(e) op/ zeckeren chijs dairmen jairl(ijcx) voer/ betaelt vijff stuijvers aen t'godtshuijs/ van der banck, Item op eenen stuijver/ erffel(ijck) aen de cappelle van s(in)t eloij/ Item op eenen cappuijn oft twee/ cappuijnen aen jo(ffrouw)[e] marie absoloens/ wed(uw)e wijlen jo(nke)r aert vanden/ / wijngaerden zoe verre men bevindt den/ zelven chijs daer uuijt te gaen, ende/ op de voirs(chrev)e xiii rinsg(uldens) xvii st(uijvers) ende/ vi mijten aen de stadt van loven, terminis/ debitis, ende voirts meer op vijff/ rinsguldens te xx st(uijvers) tstuck ende seven/ ende eenen halve gelijcke stuijvers erffel(ijcke)/ rente alle jaere s(in)[t] jans(mes)se den rentm(eeste)rs/ der voirs(chrev)e stadt ten tijde zijnde te betaelen/ ende in der stadt wissele van loven/ los ende vrij van x[e] xx[e] c[e] penn(ingen)/ ende alle andere lasten te leveren/ erffel(ijck) in toecommende tijden quolibet/ assecutum, et satis de voirs(chrev)e/ uuijtgevers naer vermogen als voere/ obligan(do) et submitten(do) bona dicti oppidi,/ et waras ut supra, Met conditie/ dat die voirs(chrev)e erffnemers de voirs(chrev)e/ rente van vijff rinsguld(ens) vii(½) stuijvers/ zullen mogen lossen ende affquijten als hun/ believen sal t'eender reijsen, elcken rijnsgulden/ daeraff met sestien rinsguldens, munte/ ten tijde vander selver affquijtinge in/ brabant cours ende loop hebbende/ ende met volle rente, gelovende/ voirts die voirs(chrev)e gehuijsschen de zelve/ rente jairl(ijcx) wel en loffel(ijck) te/ betaelen ende in der stadt wissele/ van loven los ende vrij te leveren/ tanquam assecutum, ut casu quo/ pignora prout, obligan(do) et submitten(do)/ coram borcht liebrechts novembris/ xx[a] 1604