Item in tegenwoirdicheijt des meijers/ ende schepenen van loven(e), gestaen/ machiel baerts hebbende volcommen/ macht, procuratie speciael ende/ irrevocable bevel hem gegeven bij/ cathelijne gans, dochter wijlen/ jans, weduwe wijlen jans verhulst/ voer de tochte, cathelijne stroobants/ wed(uw)e wijlen pauwels gans, broeder/ der voirs(chrev)e cathelijne gans als/ hij leeffde, uuijt crachte van den/ testamente des voirs(chreven) wijlen pauwels/ gans, gepasseert voer de weth van/ campenhout omtrent dertich jaeren/ geleden, ende oijck naevolgende den/ accorde voer schepenen van loven/ eertijts gepasseert, daer bij de voirs(chrev)e/ cathelijne verclaert haer d'actie te/ competeren van de twelff rinsguld(ens)/ uuijt eene rente van twintich/ rijnsguldens, ende de resterende/ acht rijnsguldens, de voirs(chrev)e cathelijne/ gans met haere kinderen, ende/ nicolaes verhulst, zone des voirs(chreven)/ wijlen jans, beijde voer de/ proprieteijt, alle dezelve hem/ indivisim sterckmaeckende voer jannen/ verhulst die sij beloeft hebben bijnnen/ thien dagen doen naestcommende te/ doen ratificeren ende approberen t'gene/ des naebeschreven es, eentsaementl(ijck)/ oijck hem sterckmaeckende voer/ hendrick verhulst beijde sonen des/ voirs(chreven) wijlen jans, absent ende/ in engelant woonende, die/ welcke t'zamen ende elcke bezundere
//
naer vermogen der zelver procuratie/ gepasseert voer g. impens notaris/ oepenbaer ende zeckere getuijgen/ op den vii[en] januarii 1604 alhier/ gesien ende gebleken, heeft gecedeert/ ende getransporteert, cedeert ende/ transporteert bij desen heer philips/ t'serclaes riddere, heer van sint/ aechten rhode e(t)c(etera), alsulcke actie/ ende gerichticheijt, als de voirs(chrev)e/ respective erffgenaemen competerende/ is tot eene rente van twintich rinsg(uldens)/ erffelijck eertijts op den tweeden meert/ anno 1540 voer schepenen ende/ eijgengenooten van berthem beset, ende/ gehijpothiceert op den watermolen gelegen/ onder berchsem, genaempt den/ hindersen molen opt therssim, metten/ hove, boogaerde, wouwer, t'recht/ vand(en) water, ende allen den anderen/ zijne toebehoirten tusschen t'sheeren straete/ geheeten de cleijne rijstraete ter/ eenre, de goede van jo(ffrouw)[e] margriete/ tserclaes ter ii[re], ende d'erffgenaemen/ van den heetvelde ter bruessele ter/ andere sijden. Item op den molenbempt/ gelegen achter den voirs(chreven) molen, regen(oten)/ den moelen ter eenre, de voirs(chrev)e jo(ffrouw)[e]/ margriete ter ii[re], d'erffgenaemen/ van den heetvelde ter derdere, ende/ de leijdegrachte ter andere sijden/ om dezelve rente ende actie/ totte voirs(chrev)e rente van twintich/ guldens, mette verloopen van dijen/ te houden ende besitten gelijck sijne
//
andere renten ende goeden, et/ satis de voirs(chrev)e opdragere inder qualiteijt/ voirs(chrev)e, obligerende, submittere(nde) ende/ renuntiere(nde) in forma et waras voer/ eene deuchdelijcke goede ende/ ombelaste rente, diewelcke zoe/ verre ondeuchdelijcke bevonden wordde/ heeft de voirs(chrev)e geconstitueerde inden/ name voirs(chreven) geloeft de penn(ingen) van den/ coope metter intereste van dijen/ tegen den penn(inc) sestien, zonder eenighe/ rechtvoirderinge, op te brengen ende/ betaelen, ende zoe vele te doene/ dat den voirs(chreven) heer tserclaes zijne/ naecommelingen oft actie hebbende in/ toecommende tijden altijt sal mogen/ genoeg sijn, onder obligatie/ submissie ende renuntiatie in forma/ coram duffle beringen, octobris/ xix[a] 1604