Alsoe zeckere questie ende proces
//
geschapen was op te rijsen tusschen/ de huijsarm(meeste)rs der prochie van sint/ peeters bijnnen loven ter eenre, ende/ jo(ncke)[r] gielis edelheere zone ende/ erffgenaem jo(ncke)[r] willems, als geweest/ hebbende dezelve jo(ncke)[r] willem man/ ende momboir van jo(ffrouw)[e] margriete/ van colen, dochter wijlen m(eeste)r gielis/ van colen, in zijnen leven geweest/ hebbende rentm(eeste)r der stadt van loven,/ ende alsoe als erffgenaem desselfs van/ colen ter andere sijden, sijn partijen/ bij tusschenspreken van goede mannen/ overcommen ende veraccordeert,/ in der manieren naevolgende, nopen(de)/ de verloopen respective van twee/ personele renten, d'eene van elff/ rijnsguldens, ende dandere van sesse/ rijnsguldens erffelijck, verschenen in/ augusto ende octobri toecommende/ beijde incluijs van sevenentwintich/ jaeren, in der vuegen ende manieren/ naevolgende, te weten dat die voirs(chreven)e/ edelheer vande zelve xxvii[tich] jaeren/ zal genieten quijtscheldinge van elff/ jaeren, ende betaelen sestien jaeren/ verloops, daeraff een oprecht derdendeel/ bijnnen vijff maenden naestcommende/ het tweede derdendeel bijnnen vijff/ maenden naestcommende daer naestvolgen(de)/ ende het derde ende leste derdendeel/ bijnnen andere vijff maenden daer nae/ commende, op pene zoe verre eenen/ termijn een maent verstrijckt zonder/ betaelen, dat in dijen gevalle alle/ die termijnen sullen verschenen sijn
//
obligerende submitteren(de) ende/ renuntieren(de) in forma ende naementl(ijck)/ tprivilegie der suppoesten, ende der/ universiteijt van loven, coram duffle/ beringen octobris ii[a] 1604