Dit es de conde die gord va(n) hoelair en(de) wout(er) gruwel als vand(er) come(n)scap die tussche(n) ja(n)ne grubbele en(de) d(er) joffr(ouwe) lijsbette coma(n)s/ ghesciet es vande(n) goede die gord coma(n) houdende was te veltheem/ Ite(m) inde(n) ierste(n) soe cochte die vors(creven) jan gruwel jege(n) d(er) vors(creven) joffr(ouwe) lijsbette(n) die woninge gelege(n) te veltheem aen de(n) kerchof met alre hoere(n) toebe/ hoirte(n) en(de) met xxxiii boende(re)n ond(er) lande bosch beemde en(de) eusele in alrande stucke(n) o(m)me xv[c] gulde(n) pet(er)s en(de) totte(n) segge(n) wout(er) gruwels/ vors(creven) welc segge(n) wout(er) voirs(creven) geseegt heeft als dat jan gruwel d(er) voirs(creven) joffr(ouwe) lijsbette geve(n) sal dair toe xx gulden pet(er)s welc voirs(creven)/ xv[c] en(de) xx gulde(n) pet(er)s die vors(creven) ja(n) gruwel geve(n) en(de) betale(n) soude gerarde va(n) redinghe(n) en(de) alairt de(n) zeedele(re) tot alrande t(er)mi(n)e dair toe/ gheordineert met alsulker co(n)dicien dat die voirs(creven) gerard en(de) alairt ja(n)ne voirs(creven) goede(n) en(de) gnochdoen selen met scepene(n) brieve va(n) loven/ alsoe dat den vors(creven) ja(n) vast en(de) seker sijn sal En(de) voert wert alsoe dat des voirs(creven) lande bosch beemde en(de) eusele min waer in de mate da(n)/ xxxiii boend(er) dat dat die vors(creven) gerard alairt en(de) joffr(ouwe) lijsb(etten) hem af corte(n) soude(n) vand(er) vors(creven) so(mme)[n] na gelande vand(er) come(n)scape en(de) war(t)/ dats meer wae(re) da(n) xxxiii boender dat en soude die vors(creven) ja(n) gruwel niet betalen/ Ite(m) voert soude die voirs(creven) jan gruwel binne(n) hebbe(n) de(n) erfpacht en(de) erfchijns totte(n) voirs(creven) hove hoerende en(de) dair voer soe sal ja(n) vors(creven)/ betale(n) pacht en(de) chijns die ute(n) vors(creven) goede geet met vorwarde(n) en(de) condicie(n) wairt datme(n) vonde t(er) wittig(er) waerheit dat ute(n) vors(creven) goede/ meer pachs en(de) chijns ghinge da(n) dair in q(ua)me dat dat gerard alairt en(de) joffr(ouwe) lijsb(etten) he(m) vand(er) vors(creven) su(m)me afcorte(n) en(de) betale(n) selen/ En(de) dese conde hebbe(n) die vors(creven) gord va(n) hoelair en(de) wout(er) gruwel ghetught op hae(re)n eet voe(r) wout(er) va(n) nethene(n) en(de) ar(nt) va(n) ype(re) p(ri)ma die/ me(n)s(is) junii a(n)no lxxviii