Lodic de rike [scepe(n) va(n) lovene] es come(n) in jeghe(n)w(or)dicheide(n) der scepen(en) va(n) lovene en(de) heeft gheg(even)/ henr(icke) pauwels vand(er) veke [alle] sine goede [winnende lande] ter elst inde p(ro)chie va(n) hev(er)le [uutghescheide(n) v dachmale lands gheleghe(n) acht(er) der banc moere] te houde(n) en(de) te/ hebben ene(n) t(er)mijn va(n) vii jare(n) deen na dand(er) sond(er) middel volghende ingaende/ te half m(er)te lest leden dats te wetene alle sine winne(n)de lande inde p(ro)chie van/ hev(er)le gheleghe(n) met iii boende(re)n lands gheleghe(n) [opte(n) swaluwen berch] en(de) met ene boender lands gheleghe(n)/ voe(r) diependale elc boend(er) daer af o(m)me xxx mol(evate) rogs goet en(de) payabel pacht/ coren wel bereet met wa(n)ne en(de) met vloghele alle ja(r)e d(aer)en bi(n)nen tsinte andries/ misse apostel te betale(n) en(de) te lovene op henr(ix) cost voers(creven) te leve(re)n met vorwerde(n)/ dat de voers(creven) henr(ic) alle de voers(creven) lande wel en(de) loflec winne(n) sal met sine(n) tidege(n) voren/ ghelijc sine(n) reeghenote(n) en(de) binne(n) vi jare(n) eenwerf wale en(de) cusbaerlec mesten En(de)/ soe waer henr(ic) van dese(n) lande yet hoervrochte(n) woude soe soude hijt daer voe(r) wed(er)/ meste(n) alsoe dicke als hijt dade ocht lodic soude de hoervrocht half hebbe(n) maer/ ten lesten iii jare(n) en sal henr(ic) gheen lant moghen hoervrochte(n) Ite(m) sal henr(ic)/ hebbe(n) de huse en(de) hove en(de) bogart uutghescheide(n) de came(re) te lovene w(er)t met den/ solde(r) daer bove(n) en(de) lodic en(de) henr(ic) selen doeft half en(de) half te ghelijcke hebbe(n) en(de)/ deilen mar henr(ic) sal lodic sijn ghedeelte vande(n) oefte afdoe(n) en(de) te lovene leve(re)n/ op des selfs henr(ix) cost Ite(m) sal henr(ic) alle ja(r)e leve(re)n l mandele(n) goeds cusbars/ walms de husinghe mede te houdene en(de) als me(n) daer dect plect ty(m)mert ocht metst/ ocht and(er)s werct van des noet es den husen die d(aer) nu staen daer af sal henr(ic)/ de wercliede voeden en(de) lodic die dachhuren betale(n) En(de) waert dat lodic daer/ enighe ande(re) goede vercreghe daer hij ane werken dade soe soude henr(ic) de werc/ liede herb(er)ghe(n) en(de) bedden en(de) pottagie gheve(n) [en(de) and(er)s niet] It(em) sal henr(ic) lodicke gheve(n) alle ja(r)e/ tsinte m(er)tens misse van vier guldene(n) pet(er)s van vijf dachmale(n) beemds gheleghen/ voe(r) de voere en(de) van ene(n) stucsken elsbroecs daer neve(n) gheleg(en) ene(n) rijnsche(n) gul(den)/ en(de) van vii(½) dachmale(n) beemds gheleg(en) int ghemeyne broeke vijf mott(oene) xvii/ l(i)b(ra) voe(r) elken mott(oen) Ite(m) waert dat lodic daer enighe ghrechte dade rumen/ ocht grechte(n) dade make(n) o(m)me p(ro)fijt vande(n) voers(creven) goede(n) soe soude henr(ic)/ de wercliede [voeden] en(de) lodic en(de) hij ond(er) hen beide(n) de dachhure(n) betale(n) Ite(m) sal henr(ic)/ alle de haghe(n) moghe(n) houwe(n) te behoerlike(n) tide(n) en(de) hij sal dan de grechte(n) weder/ op grichte(n) En(de) alsme(n) de [haghe(n)] leeght soe sal henr(ic) de wercliede voede(n) en(de) half de/ dachhure(n) betale(n) Ite(m) sal henr(ic) den loke va(n)den wilghe(n) tru(n)cken [daer he(m) lodic wisen sal] de goede mede te/ vermake(n) daers te doe(ne) es en(de) henr(ic) sal de pote(n) daer af vallende wed(er) sette(n) opde/ voers(creven) goede daer lodic ghenueghe(n) sal Ite(m) sal henr(ic) alle de grechte va(n)de(n) voers(creven)/ goede(n) eenwerf opgrichte(n) binne(n) den voers(creven) t(er)mine Ite(m) sal henr(ic) alle [elcs] jae(r)s dese(n) t(er)mijn/ dure(n)de lodicke diene(n) met sine(n) waghene en(de) p(er)den xiiii vaerde [vande(n) voers(creven) goeden] tot lovene Item
//
ghevielt dat de voere [aldaer] rumens ocht veghens bedorfte daer af soude henr(ic) de wercliede/ voede(n) en(de) half de dachhure(n) ghelde(n) Ite(m) en sal henr(ic) te(n) leste(n) jae(r) en gheen stroe noch/ mest uten hove voeren Ite(m) sal henr(ic) besayt late(n) [met rogghe(n)] te(n) leste(n) jae(r) iii boende(r) lands opten/ swaluwe(n) berch en(de) een boend(er) acht(er) der banc En(de) henr(ic) sal alle de storte gheerijt late(n)/ Ite(m) henr(ic) sal half den tsijs ghelde(n) die uut den voers(creven) goede(n) gheet Ite(m) waert dat lodic/ aldaer enighe goede vercreghe die soude henr(ic) hebben [ghelijc] den ande(re)n goede(n) voers(creven) Ite(m)/ quame henr(ic) enighe(n) scade va(n) orloghe ocht va(n) te(m)peeste d(aer) af soude lodic hem rastoe(r)/ doen ghelijc ande(re) goede liede bove(n) en(de) benede(n) hare(n) wi(n)nen daden Ite(m) henr(ic) sal lodick(e)/ alle ja(r)e sayen ii molevate lijnsaeds Ite(m) sal henr(ic) lodicke ten leste(n) jae(r) betale(n) lx ma(n)/ delen bolster stroes en(de) x mandelen gherstens stroes Welke gheluft(en) poente(n) en(de) vor/ w(er)den alle en(de) yeghewelke de voers(creven) henr(ic) heeft gheloeft den voers(creven) lodicke te voldoene/ tot elke(n) t(er)mine alse vervolghde scout En(de) des sijn burghe(n) des voers(creven) henr(ix) alse/ p(ri)ncipale sculde(re)n onghesu(n)d(er)t en(de) onghescheide(n) art van eespinen wone(n)de te eespine(n)/ inde p(ro)chie va(n) b(er)cheem? en(de) jan wants de jonghe wone(n)de te haecht de welke/ burghe(n) voers(creven) de voers(creven) henr(ic) heeft gheloeft scadeloes tontheffene/ monte py(n)noc xvii xcviii[mo] junii xiii