Cond sij allen lieden die dese l(ette)ren selen sien ocht hore(n) lesen dat op de(n) dach datu(m) des briefs/ qua(m) voe(r) ons ja(n)ne van scoe(n)hove(n) [ridde(r)] casteleyn va(n) dormale [ridde(r)] he(re) vande(n) leene hier na bescreve(n)/ en(de) voer de ma(n)ne va(n) leene hier na ghenoemt jan dieme(n) heet edelhere sone wile(n) vrancs/ edelhere en(de) droech op in onse hande en(de) verteech namaels met ene(n) halme also alst [dat] sculdech/ was te ghesciene sijn tocht van als alle de(n) ghedeeld[t]e en(de) rechte inden leend leengoede(n)/hier na bescreven gheleghe(n) te tieldonc al die hi hadde en(de) na sine doot toebehoren/soude in alsulc ghedeelt en(de) recht als na sijn doot toebehore(n) soude woutere(n) edelhe(re)/ sinen sone in drie boender en(de) drie dachmale wi(n)nens lants en(de) een half boender eusels/ luttel min ot ocht meer daer af gichtdragher es goert vande(n) albome en(de) in vier/ boendere en(de) een half lants luttel min ocht meer [daer af gichtdraghere es jan gheerts] ghelijc dat dese [alle dese vors(creven)] goede geleghe(n) sijn/ in de prochie van tieldonc op moersbroec [in enen stucke] tusschen de(n) driesch te alboeme en(de) de goede/ jan gheerts voirs(creven) mette(n) heerscape tsijse en(de) rechte en(de) alle(n) ande(re)n toebehoerte(n) der/ voirs(creven) goede ghelijcse van ons ja(n)ne van scoe(n)hove(n) voirs(creven) rueren en(de) ghehoude(n) werde(n)/ in leensche(n) rechte en(de) als de voirs(creven) jan edelhe(re) bi manissen van ons dat wij daer op dede(n)/ janne den swerte(re) onse(n) man van leene en(de) met wijsdo(m)me die hem des beriet mette(n) ma(n)ne(n)/ van leene wouter blanckarts wone(n)de te lovene op de biest ons van hem hier/ toe gheleent te wetene roelof van bertheem ja(n)ne smacht en(de) ja(n)ne [den] nauwesnide(re)/ en(de) met vo(n)nisse der selver ma(n)ne van leene uut der voirs(creven) tocht ghedae(n) was en(de) alte/ male af ghewijst en(de) de voirs(creven) wout(er) edelhe(re) daer in volcomelijc ghegoedt en(de) ghe/ set was met leensche(n) rechte Soe droech weder op de voirs(creven) wout(er) edelhe(re) [in onse ha(n)de] alle dat/ ghedeelte en(de) rechte daer hi toe comen was inden leengoede(n) voirs(creven) en(de) verteech/ daer af met ene(n) halme in alle der maniere(n) also dat sculdech was te ghesciene tot/ behoef symoens vrancs en(de) alse de voirs(creven) wout(er) edelhe(re) bi manissen van ons he(re)/ vande(n) leene voirs(creven) [daer op ghedaen] de(n) voirs(creven) janne de(n) swerte(re) onse(n) man ghedaen en(de) bi vo(n)nisse/ en(de) wijsdo(m)me alle der voirs(creven) ma(n)ne va(n) leene daer uut ghedaen en(de) uut [af] ghewijst/ was Soe goe[d]de(n) wij en(de) sette(n) daer in met leensche(n) rechte de(n) voerghenoemden/ symone vrancs en(de) de voirs(creven) symo[e]n vrancs dede ons daer af hulde en(de) eet van/ trouwen en(de) al dat een man van leene sine(n) he(re) sculdech es te doene En(de) tot allen/ desen dinghen en(de) poente(n) voirs(creven) sijn ghesciet alle sake(n) en(de) articule(n) die van rechte/ daer toe sculdech ware(n) te ghesciene niet rechts daer in verghete(n) noch achter/ ghelaten Voert gheloefde(n) voer ons en(de) voer de ma(n)ne voirs(creven) de(n) l de voirs(creven) jan/ edelhe(re) als tuchte(r) en(de) de voirs(creven) wout(er) sijn sone als erfghename den voirs(creven) symone/ vrancs hier af altoes gnoech te doene soe waer he(m) yet te nauwe ghesciet ware/ Also dat hem tot eweleke(n) daghen vast en(de) seker sal sijn in orconde des briefs/ daer wij jan va(n) scoenhove(n) ridde(r) voir casteleyn va(n) dormale voirs(creven) als he(re) vanden/ voirs(creven) leene en(de) wij jan de swerte(re) henric de melke(re) man des voirs(creven) here(n) va(n)de(n) leene/ roelof van bertheem jan smacht en(de) jan de nauwesnide(re) manne van leene wout(er)/ blanckarts voirs(creven) den voirs(creven) her janne va(n) scoe(n)hove(n) daer toe gheleent om dat wij/ daer bi en(de) aen gheweest sijn daer alle dese voirs(creven) dinghe(n) en(de) sake(n) aldus volcomelec/ mette(n) rechte ghehandelt en(de) gesciet sijn onse segelle hebbe(n) aen ghehanghe(n) ghegeve(n)/ int jaer ons here(n) doeme(n) screef dusent driehondert achten(de)negentich twelef/ daghe in meye