It(em) heinr(ic) va(n) mechle heeft gheloeft voe(r) scepen(en) va(n) lov(en) hier nae/ ghenoemt va(n) nu sondage naest come(n)de in viii dage(n) [xiiii nachte(n)] te lov(en) in te/ comene en(de) te gheloven en(de) [wail] te verborghene met he(m) selve(n) en(de) met/ goede(n) borge(n) woute(re)n corsbout xii[c] rijnsche guld(en) ocht alsulke/ guld(en) als wout(er) corsbouts brieve sp(re)ken te geldene en(de) te betaelne/ iiii[c] guld(en) te s(ente) jansmisse naest come(n)de iiii[c] guld(en) te kerstavonde/ d(aer) naest volghende en(de) iiii[c] guld(en) te s(ente) jansmisse d(aer) naest volge(n)de/ te betaelne als v(er)volghde schout en(de) dat de vors(creven) heinr(ic) dese te lov(en)/ income(n) sal ten vors(creven) dage dese gelufte en(de) borchtocht te doene en(de) uut/ der stat va(n) lov(en) niet scheide(n) en sal hi en hebbe de vors(creven) ghelufte/ en(de) borchtocht voldaen lyemi(n)g(en) h(er)s ja(nuarii) viii