It(em) want twist ende tebat gheweest heeft tussce(n) ja(n)ne vande(n) putte in deen side/ en(de) janne kympe draeye(r) in dand(er) side van alsulk(er) metselrien ende ty(m)meringhe/ als die vors(creven) jan kympe heeft doen maken op die muere tussce(n) hae(r) beid(er)/ erve beleghen in de steenstrate belege(n) welke(n) muer tussce(n) hen beiden ghe/ meyn es ende oic vand(er) goete(n) va(n) vo(r)e tot acht(er) op den vors(creven) muer belege(n) en(de)/ vand(er) wat(er)loep d(aer) af Soe sijn come(n) die vors(creven) p(ar)tien voe(r) scepen(en) van lovene/ ende hebbe(n) hen ghekeert ende sijn dair af bleve(n) in segghen ende in vriendelec/ iffene(re)n dats te weten(e) in janne edelhe(re) claese van ov(er)beke meest(er) janne oudeore/ en(de) in meest(er) willeme pauwe In alsulk(er) voege(n) dat die vors(creven) iiii segghe(re)n ocht/ die iii van hen hae(r) segge(n) tussce(n) de(n) vors(creven) p(ar)tien uute(n) en(de) p(ro)nu(n)ciere(n) selen/ tussce(n) dit en woensdach naest comende Ende soe wair die vors(creven) iiii segghe(re)n/ ocht die iii van hen niet van acorde eens en worde(n) binne(n) den vors(creven) tide/ soe sal gord vande(n) berghe [co(m)moingm(eester) va(n) lov(en) een] ov(er)man sijn Ende met welke(n) tween segghe(re)n die/ ov(er)man blijft soe sal hi s sele(n) sij [dair af] hae(r) segghen [tussce(n) de(n) vors(creven) p(ar)tien] segge(n) tussce(n) dat en(de) sondach/ dair naest volgen(de) Ende hebbe(n) gheloeft die vors(creven) iiii se p(ar)tien vast ende/ ghestedich te houden(e) soe wat die vors(creven) iiii segghe(re)n ocht die iii va(n) hen/ ocht die ov(er)man met ii vande(n) vors(creven) segghe(re)n tussce(n) die vors(creven) p(ar)tien [hen] eendrechtich(lec)/uute(n) [segghen] en(de) p(ro)nu(n)ciere(n) sele(n) vast en(de) ghestedich te houden(e) en(de) te houden(e) voldoene op/ die sake v(er)lore(n) en(de) op ene(n) banduyn van c guld(en) d(er) h(er)toginne (et)c(etera) alle argelist/ uut ghesceide(n) (et)c(etera) pape zas ponte xi octobr(is)