It(em) want twist en(de) tebat geweest hebbe(n) tussce(n) reyne(re) aelcoy [in deen side] en(de) henr(icke) potent in dand(er)/ side van alsulke(n) goede(n) als bleve(n) sijn nae die doet lijsbette(n) m(ar)g(rieten) en(de) yden potents suste(re)n/ moeyen des vors(creven) reyners [henr(ix)] en(de) oic va(n) alsulke scepen(en) brieve(n) va(n) lov(en) [en(de) beleyde] die de vors(creven) reyne(r) heeft/ op die vors(creven) gesuste(re)n [en(de) hae(re) goede] en(de) van alle(n) sake(n) en(de) stote die tussce(n) hen beyden gaens (et)c(etera) tot op de(n) dach/ van heden d(aer) af sij bleve(n) sijn in segghe(re)n (et)c(etera) Dats te weten(e) die vors(creven) reyne(r) in gerarde/ va(n) redinghen en(de) in woute(re)n va(n) nethene(n) en(de) die vors(creven) henr(ic) in rase va(n) hondsb(er)ge en(de) in/ wille(m) ut(er) helicht In voege(n) dat die vors(creven) reyne(r) sine(n) eyssche en(de) allet dat hi te spreke(n)/ heeft aen de goede d(er) vors(creven) wile(n) gesuste(re)n ov(er)gheve(n) sal in gescrichte(n) sine(n) segge(re)n binne(n)/ viii dage(n) naest comen(de) also dat die vors(creven) henr(ic) sijn v(er)antworde(n) d(aer) uut mach [make(n)] en(de) dat/ v(er)antworde(n) ov(er)gheve(n) sijn segghe(re)n binne(n) acht dage(n) d(aer) naest volgen(de) alsoe dat die vors(creven)/ iiii segghe(re)n hae(r) segghen uute(n) en(de) p(ro)nu(n)ciere(n) sele(n) tussce(n) de(n) vors(creven) p(ar)tien tussce(n) dit en(de)/ alreheylige(n) dach naest comen(de) En(de) soe wair die vors(creven) iiii segghe(re)n niet va(n) acorde/ en worde(n) binne(n) den vors(creven) tide dat sij dan ene(n) ov(er)man kiesen sele(n) welc ov(er)man sijn/ segghen uute(n) en(de) p(ro)nu(n)ciere(n) sal tussce(n) dat en(de) sinte m(er)tens dach d(aer) naist volgen(de) in alsulke(r)/ voege(n) soe wair enich vande(n) vors(creven) iiii segghe(re)n hair gebrake soe mach die p(ar)tie ene(n) ande(re)n/ in die stat wed(er) kiesen En(de) hebbe(n) die vors(creven) p(ar)tien vast en(de) gestedich te houden(e) soe wat die/ vors(creven) iiii segghe(re)n ocht die ov(er)man segge(n) en(de) p(ro)nu(n)ciere(n) sele(n) op die sake v(er)loren Cor(am) h(er)tsh(als)/ stockelpot iiii octobr(is)