It(em) de meye(r) van loven(en) heeft aengesproke(n) in de banc te lov(en) voe(r) scep(enen) va(n) lov(en) mathijs/ ha(n)nart vande(n) rois henneke(n) en(de) thijske(n) sijn soene en(de) ja(n)ne ha(n)nart des voirs(creven)/ mathijs bened(en)? seggende dat sij geschote(n) hadde(n) binne(n) mijnre vrouwe(n) lande/ van brab(an)t op hoe(r) viande oft opde ghene die sij niet lief en hadde(n) en(de) dat sij d(aer)/ aen verboert hadde(n) hoe(r) lijf en(de) hoe(r) goet want soe wie in mijnre vrouwe(n)/ lant vors(creven) op ande(re)n schote dat dat wae(re) op lijf en(de) op goet Dair op dat/ sij hen v(er)antw(er)de(n) met hoe(re)n ghelev(er)de(n) voirspreke alsoe dat nae des meyers/ aensprake en(de) nae hoe(r) v(er)antw(er)de(n) de scepen(en) ghemaent wijsde(n) voir i vo(n)nisse/ de vors(creven) p(er)sone quijt en(de) ongehoude(n) vand(er) aensprake(n) des vors(creven) meyers/ cora(m) monte pynnoc palude ponte sept(embris) xxvii[a]