SAL7709, Act: R°121.3 (21 of 184)
Search Act
previous | next
Act R°121.3  
Act
Date: 1409-07-23

Transcription

2020-04-26 by xavier delacourt
Ite(m) cont sij allen liede(n) dat want eborch sbonten die wijf wile(n) was/
jacobs va(n) fryndeis hadde en(de) houde(n)de was tot hoe(re)n live iiii sacke/
rox tsjaers vilvortsch(er) maete(n) ten live d(er) selver eborch op de goede/
en(de) pande h(ier) ond(er) bescr(even) gelege(n) ond(er) de banc va(n) campenh(out) Soe es vorw(er)de/
en(de) ov(er)drage(n) tusschen den vors(creven) ja(n)ne va(n) wynghe en(de) de vors(creven) eborch met/
wille en(de) consente jans va(n) he(re)nt nu hoers mans dat de selve eborch/
de vors(creven) goede hebbe(n) en(de) behoude(n) sal alsoe lange als sij leve(n) sal ende/
niet lange(r) Behoudelec de(n) erfgename(n) d(er) selv(er) eborch hoe(re)n ploechrechte/
nae d(er) vors(creven) eborghe(n) doet met alsulk(er) vorw(er)de(n) dat de vors(creven) eborch en(de)/
hoe(re)n man betale(n) sele(n) den co(m)mer en(de) last uut den goede(n) gaende alsoe/
lange als eborch leve(n) sal Dat sijn de pande h alsoe sij h(ier) nae volge(n) Inde(n)/
yersten een huys en(de) hof met sine(n) toebehoerte(n) ghelege(n) [ter t elst op de beke] tussche(n) de goede/
des vors(creven) jans va(n) wynghe in beyde(n) side(n) Ite(m) drie dach(mael) eusels gelege(n) ter/
ertbrugge(n) tusschen de strate ald(air) in beide(n) side(n) Ite(m) een half boend(er) lants/
gelege(n) op tveldeke(n) aen de spielg spiegelst(ra)te tussche(n) dlant lonijs va(n)d(er) eyke(n)/
en(de) lauwereys jaghers Ite(m) een dachmael lants gelege(n) op tvelt acht(er) joes/
ve(re)nlute(n) tussche(n) [de] lande d(er) joffr(ouwen) sneve(n) en(de) henr(icke) va(n) campenh(out) art sdeckers/
Ite(m) een dach(mael) lants gelege(n) opt cleyn eelst(er)velt neve(n) de st(ra)te neve(n) [bi] jan/
vranx bloc It(em) een dach(mael) lants gelege(n) ten opstalle tussche(n) de goede lijsbette(n)/
vranx en(de) de beke [ald(air)] Ite(m) een dach(mael) ond(er) bosch en(de) eusel ghelege(n) ter elst g .?/
tussche(n) de lange hage en(de) d(er) joffr(ouwen) goet va(n) tudeke(m) Ite(m) een dach(mael) beemts/
gelege(n) neve(n) slag(er)velt inde wijtbeemde tusschen [neven] de beemde jonch(er) gheerts/
va(n) b(er)ghen van welke(n) goede(n) vorscr(even) de vors(creven) jan va(n) wynghe heeft geloeft/
d(er) vors(creven) eborch tot hoe(r) manisse(n) altoes gnoech te doene voe(r) he(re) en(de) hof d(air)men/
dese goede af houde(n)de es En(de) die op xx pe(n)ninge out sijs iii oude gr(ooten)/
en(de) een half gans erftsijs also op alle de(n) co(m)mer en(de) last d(air) uut gaende/
te warande(re)n alsoe dat d(er) selv(er) eborch tot hoe(re)n live vast(e) en(de) sek(er) sijn sal
ContributorsGreet Stevens , Jos Jonckheer
Moderated byGreet Stevens
Last update: 2013-11-21 by Inge Moris