Van goessen goessens va(n) goetsenh(oven)/ Item op daensprake die de meyer va(n) loven(e) gedaen heeft tot goessen goessens/ va(n) goetsenhove(n) alse dat hi een joffr(ouwe) met forchen en(de) met gewonde ontschaect/ en(de) ontvuert soude hebben jegen hoe(re)n danc dwelc hi boet te bethoenen Daer op/ dat de vors(creven) goessen hem v(er)antw(er)dde dat hi noch forche noch gewonde gedaen/ en hadde aen die joffr(ouwe) want hise getruwt en(de) genome(n) hadde tot enen/ wettegen wive nae staet d(er) heilig(er) kerke(n) en(de) dat sij ghekendt hadde [vore scepen(en)] dat/ sij hoers danx met hem ghegaen wae(r) en(de) dat wael bethoene(n) soude op/ dats hem noet wa(r)e Soe wijsden de scepen(en) ghemaent vande(n) meye(r) wa(n)t/ hi niet en thoendde den vors(creven) goessen onghehoude(n) vand(er) aensprake(n) die de/ meyer te hem w(er)t gedaen hadde p(rese)nt(ibus) py(n)noc borch(oven) rogge borch(oven) h(er)tshals/ aug(usti) xxvii