Want janne hertshals scepen van loeven(e) nu ter tijt van coppeken sinen/ sone ontvert en(de) ontvreemt sijn seke(re) scepen(en) brieve va(n) loeven(e) va(n) lijfpe(n)s(ien)/ van coerne ten live joffr(ouwen) barbelen sijns wijfs d(aer) af dat de beworpe/ ghetogen uut de(n) registe(re)n vande(n) beworpboeke(n) d(er) scepen(en) die de geswor(en)/ clercke vand(er) stat in hoede(n) hebbe(n) hier nae bescreve(n) en(de) ghetekent/ sijn Soe es ov(er)drage(n) biden [meyer] co(m)moing(e)meest(ere)n en(de) raede vand(er)/ stat va(n) loeven(e) dat tot soe wies hande(n) die scepen(en) brieve comen/ sijn nocht namaels come(n) mochte(n) hen die ne(m)m(er)meer inde(n) rechte/ scade doen en sele(n) sond(er) alleene ja(n)ne h(er)tshals en(de) sinen wive vors(creven)/ alsoe datme(n) met de(n) vors(creven) beworpe(n) te lesen voe(r) meyer co(m)moin/ g(e)meest(ere)n en(de) scepen(en) va(n) lov(en) de sculde(re)n die de vors(creven) lijftocht voe(r)/ scepen(en) va(n) lov(en) bekendt en(de) geloeft hebbe(n) bedwingen sal met live/ en(de) met goede de vors(creven) lijftocht te betalen den vors(creven) ja(n)ne h(er)ts/ hals en(de) sinen wive ghelijc en(de) alsoe ocht de vorscr(even) scep(enen) brieve/ niet alsoe ontvert noch ontvreemt en wae(re)n Concordatu(m) a(n)no/ xiiii[c] ix in die b(ea)ti joh(ann)is ewan(gelis)[te] P(rese)nt(ibus) lud(ovico) py(n)noc h(enrico) de borch(oven)/ joh(ann)e rogge (et) joh(ann)e de borch(oven) scab(inis) lov(aniensibus) (et) l(itte)ra f(in)ivit p(re)d(i)c(t)a p(ro)iecta/ p(ro)ut p(re)sc(ri)bit(ur) eisde(m) a(n)no (et) die cor(am) p(re)d(i)c(t)is scab(inis)