Cont sij allen liede(n) dat willem knoep sone wout(er)s wilen knoep va(n) oplynte(r)/ es come(n) in jeg(ewoirdicheit) d(er) scepen(en) va(n) lov(en) en(de) heeft bekendt dat hi ghenome(n) heeft/ va(n) h(ere)n warnir hee(re) van davels en(de) [van] gentynez alle de lande toebeho(r)ende den vors(creven)/ he(re) van daules gelegen te gelegen [beirch] met ene(n) beemde geleg(en) ter stat gheheten/ morchijn die was everarts de preit en(de) met iii dach(mael) lants gelege(n) int broec va(n)/ gottekem ende [voert] terdel vand(er) groet(er) tiende(n) en(de) [terdel] vand(er) cleynd(er) tiende(n) inde(n)/ dorpe va(n) bierch [ind(er) manie(re)n datse her jan zeelmake(re) te houden plach de vors(creven) lande en(de) tiende(n) te houde(n) plach] Te houde(n) te hebbe(n) en(de) te wynnen van half m(er)te dat was/ int jaer ons he(re)n dusent iiii[c] en(de) seven ene(n) t(er)mijn va(n) xii jae(re)n [lang] d(aer) nae/ deen nae dand(er) staph(ans) volgende elx jaers dae(re)n bi(n)ne(n) o(m)me xx mudde/ corens pacht va(n) granen goet en(de) payabel d(er) mate(n) va(n) lov(en) te sente/ andr(ies) misse apostels te betale(n) en(de) te berch [te] leve(re)n alle jae(re) den vors(creven)/ t(er)mijn duer(ende) en(de) telke(n) t(er)mine als v(er)volghde schout alsoe dat de vors(creven) wille(m)/ knoep bi(n)ne(n) den vors(creven) xii jae(re)n betale(n) sal xii pachte Ende es vorw(er)de/ dat de vors(creven) wy(n)ne allet stroe come(n)de vande(n) vors(creven) lande en(de) tienden/te meste verte(re)n sal met sine(n) beesten en(de) d(aer) af mest make(n) en(de) dat/ vueren op tvors(creven) lant slants meeste(n) p(ro)fite ocht tselve lant bi(n)nen/ den vors(creven) t(er)mine wel en(de) loeflec eens ov(er)meste(n) Ite(m) es vorw(er)de dat/ de vors(creven) wynne de vorscr(even) lande laete(n) sal ten eynde vande(n) vors(creven) t(er)mine/ alsoe hise vant in sinen income(n) te wete(n) den art gelege(n) te betinval/ en(de) alle dande(r) lande gelege(n) te dien arde wel en(de) loeflec y gew be/saeyt met wynte(r) besaeyt en(de) gewo(n)nen met wynt(er) coerne op iiii vo(r)en/en(de) den arnt en(de) de storte te wete(n) den art benede(n) beirch en(de) dande(r)/ lande gelegen te dien arde ghestort [eens o(m)megedaen] en(de) de brake te wete(n) den art/ gelege(n) ter stat gehete(n) op de sarte en(de) op de loal en(de) dande(r) lande/ gelege(n) te dien arde [oec eens] o(m)megedaen Ite(m) sal de vors(creven) wy(n)ne alle truncboeme/bi(n)nen den vors(creven) t(er)mine truncke(n) [staende omtrent tvors(creven) lant] va(n) willege(n) en(de) poepele(re)n bi(n)ne(n) den vors(creven)/ t(er)mine truncken en(de) alle droeghboeme mach de vors(creven) wy(n)ne [te behoerleken tide en(de) opgaende hout sleenen] en(de) ocht/ d(aer) enege boeme verdroeghden die sal de vors(creven) wy(n)ne mogen afhouwe(n)/ en(de) voe(r) elke(n) ii leve(n)de pote wed(er) sette(n) vande(n) selve(n) arde wed(er) sette(n)/ en(de) opvuede(n) Ite(m) en mach de vors(creven) wy(n)ne bi(n)ne(n) den leste(n) iii jae(re)n/ vande(n) vors(creven) t(er)mine gheen lant hoervrochte(n) Voert es vorw(er)de dat/ de vors(creven) [selve] wy(n)ne die iii dach(mael) lants gelegen int broec te gottekem/l te beemde laete(n) mach tot de(n) leste(n) iii jae(re)n laeten mach te beemde/ maer de leste iii jaer moet hise wy(n)nen te h lande ocht te beemde/ laete(n) ligge(n) welc de(n) vors(creven) he(re) va(n) daulez best ghenuege(n) sal
//
Ite(m) sal de vors(creven) wy(n)ne den vors(creven) t(er)mijn duer(ende) houde(n) alle de wege/ en(de) schaveyde vande(n) vors(creven) lande [va(n) nu voertaen] alsoe dat de(n) he(re) va(n) davels d(aer)/ af gheen schade en come(n) En(de) alle dese vors(creven) vorw(er)de(n) en(de) gheloefte(n)/ heeft gheloeft de vors(creven) willem knoep den vorscr(even) he(re) va(n) davels vast/ en(de) ghestedich te houde(n) en(de) voldoene tallen tide(n) en(de) t(er)mine(n) als sij vallen/ en(de) v(er)schine(n) selen en(de) telke(n) t(er)mine als v(er)volghde En(de) h(ier)af sijn borge(n)/ des vors(creven) willems knoep als p(ri)ncipael sculde(re)n onghesund(er)t en(de) onghe/ scheide(n) en(de) elc voe(r) al woute(r) smeets va(n) wolm(er)shem henr(ic) snide(re)/ wone(n)de te wese(re) gheert va(n) bielgen va(n) wese(re) en(de) lambrecht/ swynnen wone(n)de toplynte(r) p(ri)m(us) rogge maes ja(nuarii) xv