Item es vorw(er)de tusschen jacob en(de) goldolve voirs(creven) waert alsoe dat de/selve g dat men den voirs(creven) geldolve den voirs(creven) brief niet ov(er)gheve(n) en sal/ mar dat hi blive(n) sal onder den clerc het en wa(r)e dat de selve geldolf/ gheen betalinge gecrighen en conste met ene(n) scep van xxix blauwe(n)/ crone(n) te wete(n) xli pl(acken) voer de crone die de voirs(creven) jacob noch tacht(er)/[gebreke] was aen thuys dat men heedt den beer met sine(n) toebeh(oerten) jans vand(er)/ nat barbiers gelege(n) aen s(int) pet(er)s kerchof te loven(e) neve(n) de goede/ henrix van oet(er)en van xli blauwe(n) crone(n) inde w(eer)de voirs(creven) die de voirs(creven)/ jan vand(er) nat den voirs(creven) jacob vande(n) voirs(creven) huyse sculdich was Want/ tselve huys daer vo(r)e tonderpande was gesett gelijc dat volcomeleker/ beg(re)pen es inde(n) scepen(en) brieve(n) van loven(e) die daer op gemaect sijn/ de welke de voirs(creven) jacob den voirs(creven) geldolve voer scepen(en) van loven(e)/ ov(er)ghegeve(n) heeft Ende ocht soe geviele [dat hi de betalinge niet en conste gec(ri)gen] datmen hem ov(er)gheve(n) soude/ om aen den voirs(creven) jacob en(de) andriese de voirs(creven) xxix bla gripe(n) te v(er)volghe(n)/ Mar waert dat hi aen tvoirs(creven) huys sijn betalinge crighen mochte/ dat hi daer mede content soude wesen en(de) met den voirs(creven) scepen(en) brieve/ van xxix gripe(n) gheen recht vorde(re)n op jacob noch andriese voirs(creven)/ alle(n) argelist hier in uutgescheide(n) cor(am) eisde(m)