SAL7709, Act: V°336.1-R°337.1 (125 of 186)
Search Act
previous | next
Act V°336.1-R°337.1  
Act

Transcription

2021-01-28 by Mi-Je Van Gils
Cond sij allen lieden dat jan loetre van thiene(n) es come(n) in jegeword(icheit)/
der scepen(en) van loven(e) en(de) heeft gegeve(n) ende bekendt dat hi geg(even)/
heeft woute(re)n palster van couthem thof des voirs(creven) jans gelegen te/
vertrike met den wy(n)nenden lande beemden eeuselen en(de) allen hoe(re)n/
toebehoerten uutgescheide(n) de woeni(n)ge met der porten daer de voirs(creven)/
jan nu inne woent Te houden te hebben en(de) te wynne(n) van halfm(er)te/
lestleden ene(n) t(er)mijn van vi ja(r)en lang deen nae dand(er) daer nae/
staphans volgende elx jaers dae(re)n[by(n)ne(n)] el elc boend(er) vanden voirs(creven) lande dat[dwelc gedraeght xvi boend(er) i dach(mael)]/
o(m)me xx halster corens pacht van vertrike goet en(de) payabel der/
maten van thiene(n) te s(int) andr(ies) misse apost(els) te betale(n) en(de) te loven(e)/
of te thiene(n) daert den voirs(creven) janne best genuegen sal te leve(re)n/
den voirs(creven) t(er)mijn due(r)ende ende telken t(er)mine als vervolghde schout Behoudel(ec)/
dien Ende want jan voirs(creven) nu ten yersten oeghste vande(n) voirs(creven)/
t(er)mine tcore(n) inghevuert heeft vande(n) voirs(creven) t(er)mine soe es vorw(er)de/
van i(½) boend(er) lants soe es vorwerde dat jan hem [den wynne] daer voe(r) te/
s(int) andr(ies) misse naestcome(n)de afcorte(n) sal xxx halst(er) corens Oec/
es vorw(er)de dat ten yersten oeghte nae den voirs(creven) t(er)mijn de voirs(creven)/
wy(n)ne tcore(n) van ond(er)halve(n) boende(r) lants te hem w(er)t trecke(n) sal/
[uutgenome(n) dat tstroe int hof b(ri)ng blive(n) sal] en(de) daer af den voirs(creven) janne te s(int) andr(ies) misse d(aer) nae betalen xxx/
halst(er) core(n)s der maten voirs(creven) It(em) sal hebben de voirs(creven) wy(n)ne de voirs(creven)/
beemde ende eeusels jaerlex o(m)me ix crone(n) vrancr(ijx) te wete(n) xlvi/
pl(acken) voer de crone gerekent te s(int) m(er)tens misse inde(n) wynter te betale(n)/
Voert es vorw(er)de dat de voirs(creven) wy(n)ne jaerlex leve(re)n sal iiii[c] walms/
de huyse ald(aer) mede te decken en(de) alsmen die verdect soe sal de wy(n)ne/
den wercliede(n) den cost gheve(n) en(de) jan de dachue(re)n betale(n) Voert/
es vorw(er)de dat de voirs(creven) wy(n)ne allet stroe en(de) voesteringe comende/
vande(n) voirs(creven) goede(n) int voirs(creven) hof b(ri)ngen sal en(de) dat aldaer etten en(de)/
verte(re)n [en(de) te meste make(n)] met sine(n) beeste(n) en(de) dmest vue(re)n op tvoirs(creven) lant slants meesten/
p(ro)fite en(de) de vr orete(n) ten lesten ja(r)e wel int hof gemydt late(n) Item sal/
de voirs(creven) wynne It(em) es oe vorwerde dat de selve wynne alle de lande/
te sine(n) lesten ja(r)e salem laten eens o(m)megedaen [uutgescheide(n) crocke en(de) hoey die hi met hem vu(r)en mach Item sal de wy(n)ne Item sal de vors(creven) wy(n)ne ten eynde van sine(n) t(er)mine vande(n) vors(creven) lande bezaeyt laeten vi(½) boende(r) met wyntercoerne wel en(de) loeflic gelijc reengenote(n) en(de) alle dande(re) lande late(n) eens o(m)megedaen Behoudelec dien dat hem vande(n) vors(creven) besayde(n) lande volge(n) sal i(½) boend(er) [corens] gelijc vorscr(even) steet] uutgescheide(n) een boend(er)/
gelege(n) aen den biestbeemt en(de) een half boend(er) lants int bloc gelege(n)/
dat hi geheel laten sal en(de) ten leste(n) [lesten] ja(r)e alle sijn met [mest] opt lant vu(r)en/
[slants meesten p(ro)fite] Item es vorwerde dat dat de voirs(creven) woute(r) wynne alle ja(r)e gheven/
sal den voirs(creven) janne iiii molevate raepsaets en(de) iiii molevate witt(er)
//
erweten voer viii molevate corens vande(n) voirs(creven) pachte Item/
es vorw(er)de dat de voirs(creven) jan en(de) de wynne hebben sele(n) half en(de) half/
alle doeft inden bog(ar)t alsaer wassende en(de) dat op hoe(r) beyd(er) cost doen/
lesen en(de) den selve(n) wynne sal janne sijn helcht te loven(e) of te thiene(n)/
leve(re)n daert hem best genuege(n) sal It(em) selen de voirs(creven) jan en(de) de wynne/
coepen te hoe(r) beyd(er) geliken cost l hoepe stroes dwelc de selve wynne/
halen sal daer sijt coepe(n) en(de) int voirs(creven) hof vu(r)en It(em) es vorw(er)de dat de voirs(creven)/
wynne sal moghen truncken [te behoerleke(n) tide] alle willeghen op de voirs(creven) goede staende/
de selve goede om de selve goede mede te bre bevrede(n) en(de) alle verdroeghde/
willege(n) af houwen tot sijnre berringe(n) behoef en(de) voer elke willeghe ii/
leve(n)de poten setten vande(n) selve(n) arde It(em) es oec vorwerde dat de voirs(creven)/
jan en(de) de wynne op hoerre beyder cost den voirs(creven) t(er)mijn due(re)nde alle ja(r)e/
ii dage selen neme(n) ii wercliede de ryoelen aldaer inde be[e]mde te vaeghe(n)/
op hoerre beyd(er) cost half en(de) half It(em) sal de voirs(creven) wy(n)ne den voirs(creven) janne/
alle ja(r)e een coe en(de) een verken wynte(re)n en(de) someren gelijc den sine(n) Item/
voert es vorw(er)de dat de voirs(creven) wynne den voirs(creven) janne den voirs(creven) t(er)mine [due(re)nde] alle/
ja(r)e zayen [sal] ii molevate lijnzaets daer toe dat de selve jan den zaet sal leve(re)n/
It(em) es vorw(er)de dat de voirs(creven) jan sal moghen houden gaende ald(aer) int hof xii/
hynne(n) [hoende(re)] It(em) noch es vorw(er)de dat de voirs(creven) wynne den voirs(creven) janne alle sijn/
bernhout halen sal den voirs(creven) t(er)mijn due(re)nde op daer hijs begheert op de een/
myle nae vertrike [Ite(m) sal de vors(creven) wy(n)ne ten lesten ja(r)e i(½) boend(er) lants moge(n) hoervruchte(n) te wete(n) een boend(er) met wouwen en(de) (½) boend(er) met raepsade en(de) voert alle ja(r)e een boend(er) den t(er)mijn duer(ende)] Hier af sijn borghe(n) des voirs(creven) wy(n)ne als p(ri)ncipael/
sculde(re)n ong(e)s(undert) en(de) ongescheide(n) en(de) elc voer al woute(r) van weterbeke/
en(de) wyllem de scheepe(re) van velpe Et p(ri)m[(us)] borch(oven) py(n)noc octobr(is) xvii
Contributorsmyriam bols , Mi-Je Van Gils
Moderated bymyriam bols
Last update: 2017-03-14 by Xavier Delacourt