Item ov(er)mids seker bettoen dat h(er) geert dillen priest(er) dede aende(n) co(m)moenge/ meest(er) mids sorge(n) die hi hadde dat jans jueden huys gelege(n) neve(n) sijn huys/ inde borchstrate hem aen sijn huys scade doen soude of dair op vallen Soe/ beval de co(m)moengemeest(er) meest(er) janne paenwe der stat geswo(r)en wercma(n)/ dat hi gaen soude aen janne den juede ende hem segghen dat hi sijn huys/ alsoe verwa(r)en woude dat den voirs(creven) h(er) geerde dair af aen tsine gheen scade/ en quame Dwelc de voirs(creven) meest(er) jan dede ind(er) manie(re)n voirs(creven) P(rese)ntibus/ pynnoc lombart maii xxiii