It(em) katl(ine) die wijf wile(n) was gheerts va(n) lare heeft/ It(em) pet(er) vand(er) came(re) va(n) b(er)theem heeft genome(n) en(de) bekent dat hi genome(n) heeft/ va(n) kat(line) die wijf wile(n) was gheerts va(n) lare thien boende(r) lants ocht d(aer) omtrint/te houden(e) (et)c(etera) belege(n) in de p(ro)chie va(n) b(er)theem in ald(er)hande stucke Te houden(e) te hebben(e) (et)c(etera)/ va(n) half m(er)te naest lede(n) toecomen(de) tot ene(n) t(er)mijn va(n) ix jae(re)n (et)c(etera) op die helicht vande(n)/ corne en(de) vrucht dat d(aer) op wasse(n) sal ende toexst als dat corne in de bant es soe sal/ die vors(creven) pet(er) d(er) vors(creven) kat(line) hae(r) heyh helicht in de scuere vuere(n) eer hi tsijn ruere(n)/ ocht vuere(n) sal moege(n) Ende also die vors(creven) kat(line) hae(r) core(n) ald(aer) doet dorssche(n) soe sal/ de vors(creven) pet(er) de(n) dersscher vuede(n) en(de) dat core(n) alst gedorssche(n) es soe sal die vors(creven) pet(er)/ dat d(er) vors(creven) kat(line) te love(n) levere(n) Vort heeft genome(n) die vors(creven) pet(er) vand(er) vors(creven) kat(line)/ i(½) dachmael beemds ocht d(aer) omtrent elx jairs hie(re)n binne(n) op eene(n) guld(en) torre(n)/ d(er) mu(n)ten van lov(en) te sinte m(er)tens misse te betale(n) alle ja(r)e (et)c(etera) Oic sal die vors(creven)/ pet(er) die vors(creven) lande hie(re)n binne(n) eens ov(er)mesten wel en(de) loflec en(de) en(de) die wi(n)ne(n) en(de)/ w(er)ve(n) ghelijc sine(n) regenote(n) Ende die vors(creven) pet(er) sal die lande late(n) ten leste(n) ja(r)e ghelijc/ hise nu vinde(n) sal dats te weten(e) iiii boende(r) met rogge besaeydt op vier tidege voere(n)/ en(de) die storte eens gheerijt Hier af sijn [es] borge(n) des vors(creven) pet(er)s gh alse p(ri)ncipale/ sculde(re) onghesund(er)t en(de) onghesceide(n) gheert creyte(n) sijn sweer welc borge/ die vors(creven) pet(er) geloeft heeft scadeloes te houden(e) porta ponte ulti(m)a feb(ruarii)