SAL7711, Act: R°217.2-V°217.1 (68 of 138)
Search Act
previous | next
Act R°217.2-V°217.1  
Act
Date: 1409-02-04

Transcription

2020-12-15 by Marijke Gevaert
It(em) h(er) wout(er) van quaderibbe ridde(r) in jegenwordich(eit) der scepen(en) van lovene gestaen/
heeft gegeve(n) en(de) bekent dat hi gegeve(n) heeft ja(n)ne vand(er) hulst die me(n) heet vand(er) [banck] sijn goede/
inde p(ro)chie(n) van q[ua]deribbe en(de) van erpse geleghen te houdene te hebbene en(de) te wynnene/
van half meye naest comen(de) tot ene(n) t(er)mine van twelf ja(r)en lanc (et)c(etera) dats te wete(n)/
de wynnende lande op de helicht vande(n) core(n) ende vruchte dat daer op wassen sal/
Met alsulk(en) vorwarde(n) dat de vors(creven) her wout(er) alle ja(r)e hie(re)n binne(n) in dwint(er) coren/
daert hem genueght te half meye keysen kiesen op enich stuck op een eynde of op/
en side anderhalf boend(er) ende des gelijx dat selve her wout(er) oic kiesen int somer core(n)/
onderhalf boender en(de) dat sal hem de vors(creven) wynne bijnden ende invuere(n) in des selfs/
her wout(er)s scuere daer her wout(er)s helicht core(n) ligge(n) sal ende dies sal hem de selve h(er) wout(er)/
gheve(n) alle ja(r)e hie(re)n binne(n) ix halst(er) rox en(de) ix halst(er) ghersten voe(r) den saet Ende tvors(creven)/
lant sal de selve wynne wail en(de) loflec gelijc sine(n) reengenote(n) en(de) de vors(creven) her wout(er)/
sal tvors(creven) lant beyde wint(er) core(n) som(er)core(n) en(de) oic de eeuselen wail en(de) loflec beheynne(n) en(de)/
beheymt late(n) nu te half meye naest comende Voert sal hebben de vors(creven) wynnee een/
boend(er) beemts in bertheem(er)winkel dat thiende gheeft den grote(n) zipe den cleyne(n) zipe/
deeusel der nat en(de) deeusel op de seve(n)boender elx jaers hie(re)n binne(n) om xxvii hollan(sch)/
guldene [van goude] goit en(de) gheve te sente m(er)tens misse inden wynt(er) te betalen [vallende en(de) sond(er) begripe te betale(n) te half meye] alle ja(r)e den/
vors(creven) t(er)mine duerende en(de) telken t(er)mijn als vervolghde scout Ende allet stroe en(de)/
caf
dat vanden vors(creven) helcht des vors(creven) wynne(n) come(n) sal [vors(creven) lande comt] dat sal de vors(creven) wynne etten/
tsine(n) p(ro)fite met sine(n) beesten en(de) dmest dat hier af [met sine(n) beeste(n)] en(de) alle dmest dat hier af comt/
en(de) oic dmest dat her wout(er) maken sal met sine(n) beesten dat salme(n) [hi] vuere(n) op tvors(creven)/
lant Ende als de vors(creven) her wout(er) aldaer doet dersschen dan sal de vors(creven) wynne de/
dersschers vueden ende daer voe(r) sal hem de vors(creven) h(er) wout(er) van elken dersscher ter/
cost behoef gheve(n) acht groet sdaeghs ocht h(er) wout(er) machse selve vueden op dat/
hem genueght Voert sal de vors(creven) wynne gheve(n) alle ja(r)e den vors(creven) t(er)mine dueren(de)/
hondert mandelen walme(re)n om die huysinge mede te decken en(de) als men die/
verdect of verdecken sal of viele dat daer te plecken wa(r)e soe soude de vors(creven)/
wynne de wercliede vuede(n) en(de) diene(n) en(de) die vitselroede(n) en(de) teen [daer toe] sal de vors(creven)/
wynne halen op tvors(creven) goit Oec sal hebben de vors(creven) wynne de coken met de(n)/
bachuyse en(de) met d(er) came(re)n daer neve(n) en(de) ene(n) kelde(r) op de side te hove waert
//
Ende de vors(creven) h(er) wout(er) sal behoude(n) sine(n) pertstal met den sulde(r) daer bove(n) alsoe/
verre als hi niet onderslage(n) en es en(de) de groete scuere v(er) d ov(er) die selve side/
en(de) alle die and(er) stallagie sal die vors(creven) wynne behoude(n) Oec sal de vors(creven) wynne/
hebben den ouden boegaert en(de) beyde de coelhove en(de) des mach de vors(creven) h(er) wout(er)/
doen halen alsoe vele warmoes als hem genuege(n) sal Ende de vors(creven) her wout(er)/
sal houde(n) gemeyn gaen [de] ene(n) voer en bere en(de) ene(n) verre en(de) daer nae sal de/
wynne sien gelijc of si sijns selfs wa(r)en en(de) die wijnte(re)n gelijc sijns selfs/
beesten en(de) de vors(creven) hou wynne sal den vors(creven) h(er) woute(re)n houden twee verken(en)/
alle ja(r)e hie(re)n binne(n) gelijc sine(n) verkene(n) en(de) die sal hem h(er) wout(er) leve(re)n Ende/
gevielt dat den vors(creven) bere v(er)re of verkene(n) yet messciede daer af soude de/
vors(creven) wynne ongehoude(n) sijn Ende de vors(creven) wynne sal op tvors(creven) goit houwe(n)/
en(de) tru(n)cken te sine(n) p(ro)fite en(de) tsgoets p(ro)fite hage(n) en(de) bre(m)me [en(de) truncboeme] gevielt dat/
daer enige(n) boeme verdroeghde die mach de vors(creven) wynne houwe(n) en(de) voe(r)/
elken twee pote(n) wed(er) sette(n) Item sal de vors(creven) h(er) wout(er) den vors(creven) wynne/
alle ja(r)e hie(re)n binne(n) gheve(n) acht ellen visteyns of dlaken tot ene(n) rocke/
gelijc sine(n) knechte(n) En(de) de vors(creven) h(er) wout(er) [wynne] sal den vors(creven) wynne [h(er) wout(er)en] allie ja(r)e den/
vors(creven) t(er)mine [dueren(de)] twee daghe met sine(n) wage(n) ende p(er)de en(de) de vors(creven) wynne sal/
he(re)n woute(re)n sijn [de helicht van sine(n)] core(n) vuere(n) te mechele(n) of te love(n) Oec sal de vors(creven) wynne/
den vors(creven) h(er) woute(re)n houde(n) [den t(er)mine dueren(de)] onderhalf hond(er)t scape te deylen te twee ja(r)en/
en(de) die sal hem h(er) wout(er) leve(re)n tussche(n) dit en(de) sente jans misse baptiste(n) naest/
comende en(de) de vors(creven) wynne sal dwynt(er) core(n) tvors(creven) lant winne(n) wael en(de)/
loflec dats te wete(n) dwint(er)core(n) op vier tydege vore(n) de gherste op drie/
vore(n) ende de evene op twee vore(n) Ende es vors vorwarde tussche(n) de/
vors(creven) h(er) wout(er) en(de) de wynne soe wae(r) enich van hen sceide(n) woude dat hi/
sal moege(n) doen ten halve(n) tide mer die ghene die daer sceide(n) wille die/
saelt den ande(re)n een half jae(r) te vore(n) Ende toexst als dat core(n) inden/
bant es soe sal de wynne des vors(creven) h(er) wout(er)s helicht in de scuere aldaer vuere(n)/
h eer hi tsine ruere(n) ocht vuere(n) sal moege(n) Ende alle dese vorwarde(n) geloefte(n)/
en(de) condicie(n) bove(n) bescreve(n) hebbe(n) geloeft (et)c(etera) En(de) des sijn borge(n) des vors(creven)/
jans (et)c(etera) als p(ri)ncipale sculde(re)n (et)c(etera) jan ut(er) helicht sone wilen jans ut(er) helicht/
willem de witte arnts sone vranck de witte henr(ix) sone was jan vand(er)/
eect alle arnt va(n) langendonc va(n) rotselair b(ar)tholomeus vand(er) hulst/
ut(er) p(ro)chie(n) van veltheem en(de) willem de k(er)smake(re) va(n) wackerzele quos/
indempnabit p(ri)ncipal(es) (et)c(etera) porta absoloe(n) febr(uarii) iiii
ContributorsMi-Je Van Gils
Moderated byMi-Je Van Gils
Last update: 2017-03-28 by Xavier Delacourt