Cont si allen lieden dat joffrouwe katline weduwe wout(er)s wilen van bletsbeke/ en(de) wout(er) van bl bletsbeke hoe(r) sone in jegewordicheit der scepen(en) van lovene/ gestaen hebben bekent en(de) v(er)lijt openbaerlec dat si geslete(n) en(de) v(er)iffent [sijn] underlinge(n)/[bi raede en(de) consente van hoe(re)n vriende(n) en(de) mage(n)] van alsulke(n) stoete tebatte en(de) gescille als tusschen hen beyde(n) opv(er)staen en(de) geresen/ was vande(n) goede(n) van bletsbeke en(de) van lynte(r) ind(er) vueghen en(de) maniere(n) gelijc hier/ nae verclaert [volgt] en(de) gheintereert? steet opde(n) yerste(n) [inde(n) yersten] es vorwarde en(de) ov(er)drage(n) dat/ de vors(creven) wout(er) van bletsbeke staphans aenverden en(de) hebben sal alle de goede van bletsbeke/ gelijc en(de) alsoe v(er)re de vors(creven) wilen wout(er) van bletsbeke die te houden plach sonder/ der vors(creven) joffrouwe(n) katline(n) sijnre moed(er) enich recht och tochte daer in te hebben/en(de) [off] te behouden [uutgenome(n) een [half] boend(er) beemts belege(n) te beetse aen de molen aldaer naest den goeden henrix [va(n)] liefkenrode dwels dwelc de vors(creven) joffrouwe katline tot hoe(r) tocht behoude(n) sal] Behoudelec dien dat de vors(creven) wout(er) der selv(en) joffrouwe(n) katline(n)/ sijnre moeder jaerlex alsoe lange als si leve(n) sal [en(de) met langer] vande(n) vors(creven) goede(n) van bletsbeke/ gheve(n) ende betalen sal derthien capuyne en(de) vijfentwintich carp(er)s noch ten/ arghte(n) noch ten beste(n) te wete(n) es de vors(creven) capuyne te kersmisse en(de) de vors(creven) cap(er)s/ te vastelavont Oec sal de vors(creven) oec sal de vors(creven) joffrouwe katline behoude(n) en(de) gebruyke(n)/alsoe lange als si leve(n) sal tot hoe(r) tocht Voert es ove(er)draghen en(de) gevorw(er)t vande(n)/vors(creven) goeden van lynte(r) dat de vors(creven) joffrouwe katline die selve goede[ Ende vors(creven) joffr(ouwe) katline sal de goede] van lynte(r)/ geheellec en(de) alte male hoe(r) leefdaghe lanc tot hoe(r) tocht hebben behoude(n) ende/ gebruyken sal sond(er) den vors(creven) woute(re)n hoe(re)n sone hoe(r) leefdage lanc enich recht/ daer in te hebben met en(de) dat die goede [En(de) voert es vorw(er)de de helicht vande(n) vors(creven) goede(n) van lynte(r)] staphans nae der vors(creven) joffrouwen/ katline(n) doet gaen en(de) come(n) sal tot joffrouwe lijsbette(n) die wijf es jans groete(n)/ ocht tot hoe(re)n [wittege(n)] kijnde(re)n en(de) dand(er) helicht [vande(n) selve(n) goede(n) van lynte(r)] tot den vors(creven) woute(re)n van bletsbeke ocht/ tot sine(n) wittege(n) erfgename(n) [Oec ] Met vorwarde(n) [Ende] gevielt alsoe dat de vors(creven) joffrou?/ lijsbeth van live ter doet quame sond(er) witech ...? [geboerte] acht(er) hoe(r) te laten dat dan/ de vors(creven) helicht vande(n) vors(creven) goede(n) van lynte(r) [die alsoe gelijc vors(creven) es come(n) sal sijn op der vors(creven) joff(rou) lijsb(etten)] staphans wed(er)ke(re)n sal tot den/ vors(creven) woute(re)n van bletsbeke of tot sijn(re) wittege(n) erfgename(n) daer se van recht/ sculdich es te come(n) son sond(er) Welc vriendelec iffegeninge en(de) eendrech(ticheiden)/ vors(creven) de vors(creven) joffr(ouwe) katline in deen side en(de) wout(er) hoe(r) sone op dand(er) side/ hebben geloeft deen den ande(re)n vast en(de) gestede te houde(n) en(de) te voldoen/ en(de) daer jege(n) nu(m)m(er)meer te gaen noch te doen in gheenre maniere(n)/ alle argelist in desen sake(n) uutgesceide(n) haenwijc maes febr(uarii)/ xviii