It(em) joh(ann)es d(i)c(t)us vande(n) hove co(m)mor(ans) apud z septe(m)ca(m)mas heeft genome(n)/ en(de) bekent dat hi genome(n) van ja(n)ne denn pryke(re) vijf boende(r) lants luttel min/ ocht meer belege(n) te zeve(n)ca(m)men tusschen de goede wout(er) zis en(de) lijsbette(n)/ huyghs te houde(n) te hebben(e) en(de) te wynnene van helf [m(er)te] naest comende tot ene(n)/ t(er)mine van ses ja(r)en lang deen nae dand(er) staphans volghende elx jaers hie(re)n/ binne(n) op acht mudde en(de) ses molevate rogs al goit en(de) en(de) payabel d(er)/ met wa(n)ne en(de) met vede(re)n wel bereyt alsulx corens als op tvors(creven) lant jaerlex/ wasse(n) sal te sente andries misse apostels te betale(n) en(de) te love(n) te leve(re)n alle ja(r)e/ den vors(creven) t(er)mine dueren(de) en(de) elke(n) t(er)mijn als v(er)volghde schout Ende de vors(creven) wynne/ sal de vors(creven) lande half te male wel een binnre(n) den yerste(n) drie ja(r)en wel en(de)/ loflec ov(er)meste(n) En(de) dies gelijcs dand(er) helicht vande(n) vors(creven) lande bime(n) den leste(n)/ dries ja(r)en oic wel en(de) loflec ov(er)meste(n) [ende vors(creven) lande wynne(n) en(de) w(er)ven wel en(de) loflec gelijc sine(n) regenote(n) bove(n) en(de) benede(n)] Ende die late(n) vors(creven) lande late(n) gelijc hise/ vijnt dats te wete(n) besayt met wynt(er)core(n) op vier voe(re)n En(de) met vorwarde(n)/ so wae(r) enich van hen beyde(n) het wa(r)e die vors(creven) wynne ocht jan de pr pryke(re) sceyde(n)/ woude binne(n) den vors(creven) t(er)mine dat hi dat sal moge(n) doen van half m(er)te naest/ comende ov(er) drie ja(r)e en(de) and(er)s niet Alle dese gelofte(n) vorwarde(n) en(de) condicie(n)/ bove(n) en(de) bescreve(n) hebben geloeft de vors(creven) wynne en(de) ja(n) (et)c(etera) deen den ande(re)n (et)c(etera)/ En(de) des sijn borge(n) des vors(creven) jans vande(n) hove als p(ri)ncipale sculde(re)n ongesund(er)t (et)c(etera)/ arnt vande(n) hove brued(er) des vors(creven) jans vande(n) hove en(de) henr(ic) van yssche sone/ wile(n) henr(ix) van yssche van meerbeke bi ev(er)sb(er)ghe quos id(em) joh(ann)es indempnab(it)/ grute(re) naen eod(em)