It(em) petrus d(i)c(t)us he de vosseem heeft gegeve(n) ende bekent dat hi/ gegeve(n) heeft ja(n)ne van boemale die men heet de smet den jongen/ seve(n) boende(r) lants luttel min ocht meer belege(n) int beghine(n) pat bi/ de loe Te houden(e) te hebbene en(de) te wy(n)nene van half m(er)te naest leden/ tot ene(n) t(er)mine van twelf ja(r)en lanc deen nae dande(r) staphans volghende/ dats te wete(n) elc boende(r) vanden vors(creven) lande op twee mudde rogs d(er) maten/ van loeve(n) met wa(n)ne en(de) met vede(re)n wael bereyt alsulx corens als jaerlex/ opt tvors(creven) lant wassen sal te sente andries misse apostels te betalen en(de)/ binne(n) loeve(n) tot des vors(creven) pet(er)s huys te leve(re)n alle ja(r)e den vors(creven) t(er)mine/ duerende en(de) telken t(er)mine als v(er)volghde scout Ende es gevorw(er)t tusschen/ den vors(creven) pete(re)n ende ja(n)ne soe wae(r) de selve jan een half dai boende(r) vanden/ vors(creven) lande enich vande(n) vors(creven) ja(r)en vande(n) vors(creven) t(er)mine met taruwe(n) besayde/ dat hi dan den vors(creven) pete(re)n daer af betalen soude [sal] een mudde taruwen dwelc/ hem afslach doen soude [sal] aen den selve(n) pete(re)n vande(n) vors(creven) pachte ende soe wae(r)/ hi daer en bove(n) yet meer van dien lande met taruwen besayde soe soude hi/met twee [mudde] taruwe den vors(creven) pete(re)n daer af gheve(n) [en(de) betalen] ende daer met gestaen/ ten wa(r)e dat de selve jan tvors(creven) lant gel ene(n) art geheellec met taruwe(n)/ besayde dat hi dan geheellec taruwe betale(n) soude [sal] Oic sal [sal] de vors(creven) jan [sal] elx/ jae(r)s hie(re)n binne(n) ene(n) den wijnt(er) art haf half ov(er) mesten wel en(de) loflec en(de) ten [sond(er) op]/ dleste(n) jae(r) van sine(n) t(er)mine [soe sal hi] den wijnt(er) art te male ov(er) meste(n) [me ov(er)meste(n)] ende die lande/ wynne(n) en(de) w(er)ve(n) wel en(de) loflec gelijc sine(n) regenote(n) bove(n) en(de) benede(n) Ende/ die late(n) gelijc hier nae volght dats te wete(n) de wijnt(er) art bef op vier/ voe(re)n besayt met rogge sond(er) drie dachmale daer af die hi met taruwe(n)/ besayen sal en(de) den som(er) art dats te wete(n) de gerst op drie voer(en) ende de/gers evene op twee voe(re)n ende brake eens om gedaen Hier af es borghe/ des vors(creven) jans jan van boemale sijn vade(r) que(m) filius indempne(m) cons(er)vabit/ borch(oven) rogge xi maii