Cont sij allen lieden dat want jan van wilre ov(er)mids vo(n)nisse van scepen(en) brieve(n)/ van loeve(n) hem bekent ende beleydt es mette(n) meye(r) ende scepen(en) van loeve(n) van/ he(re)n gorde van motenake ridde(r) ende vrouwe marie(n) van kersbeke sijn witteg(en)/ gesellen come(n) ende beleydt es tot mette(n) meye(r) ende scepen(en) van loeve(n) tot den/ goeden der vors(creven) he(re)n gords ende vrouwe marie(n) sijnre gesellinne(n) tot ev(er)sb(er)ghe belege(n)/ Soe es de vors(creven) jan van wilre daer o(m)me come(n) in jegenwordicheit d(er) scepen(en) van/ loeve(n) ende heeft gegeve(n) ende bekent dat hi gegeve(n) heeft vrancke drapenier/ thof des vors(creven) he(re)n gords en(de) vrouwe marie(n) belege(n) tev(er)sb(er)ghen in huysen hoven(en)/ wynnenden lande beemden eeuselen driessche dertscoef ende viertscoef inde p(ro)chie/ van ev(er)sberghe belege(n) gelijc ende alsoe v(er)re jan van boxstele die goede aldaer gehoude(n)/ heeft Te houden(en) te hebben(en) ende te wy(n)nen van half mey naest voerleden tot ene(n)/ t(er)mine va(n) seve(n) ja(r)en lanc deen nae dand(er) (et)c(etera) dats te weten(e) de wynnende lande/ metten dertscoef ende viertscoef elx jae(r)s hie(re)n binne(n) op xlviii mudde rogs ende/ een mudde taruwen goet en(de) payabel met wa(n)ne ende met vede(re)n wel bereit der mate(n)/ van loeven(en) te sente andries misse apostels te betalen ende te loeve(n) te leve(re)n alle/ ja(r)e den vors(creven) t(er)mine dueren(de) ende telken t(er)mine als v(er)volghde schout Ende es vor/ warde ende ondersproken dat de vors(creven) wynne alle ja(r)e hie(re)n binne(n) den vors(creven) ja(n)ne/ van wilre voe(r) elf sist(er) rogs [elf sist(er) taruwe(n) leve(re)n sal te bruessele] vanden vors(creven) pachte in alf afslaghe vande(n) vors(creven) pachte/ leve(re)n sal te bruessel daer men hem wisen sal elf sist(er) taruwe(n) Voert sal de vors(creven)/ wynne de beemde ende eeuselen aldaer jaerlex [hie(re)n] binne(n) hebben op twelf oude ant/ werpsche scilde van goude goet ende gheve ocht de werde daer af in goede(n)/ ande(re)n paymente te sente m(er)tens misse te betalen alle ja(r)e den vors(creven) t(er)mine/ dueren(de) ende telken t(er)mine als v(er)volghde schout Item sal de vors(creven) wynne den/ vors(creven) janne van wilre [alle ja(r)e de(n) vors(creven)] een suf gheve(n) drie mudde evene(n) goet ende payabel/ der maten van loeve(n) te sente andries misse apostels te betale(n) ende te loeve(n)/ leve(re)n alle ja(r)e den vors(creven) t(er)mine (et)c(etera) als v(er)volghde scout Oec sal de vors(creven)/ wynne den vors(creven) ja(n)ne alle dmest alsoe v(er)re als hi [die selve jan] dat copen sal ocht doen/ copen binne(n) der p(ro)chie(n) van ev(er)sberghe en(de) niet vorde(r) inde(n) wijngaert/ aldaer vuere(n) Voert sal de vors(creven) wynne den vors(creven) ja(n)ne alle ja(r)e den/ vors(creven) t(er)mine duerende gheve(n) l mandele(n) walme(re)n goet en(de) custbae(r)/ om die huysinghe daer mede te decken Ende soe wa(n)neer men die/ aldaer verdecken doet soe sal de vors(creven) wynne den decke(r) de cost gheve(n)/ en(de) jan de dachue(re) Ende dies gelijx soe wa(n)neer me(n) aldaer aen die oude/ wande doet plecken daer af sal oec de vors(creven) wynne den werclieden/ de cost gheve(n) en(de) jan de dachue(re) Item sal de vors(creven) wynne den vors(creven)
//
ja(n)ne jaerlex den t(er)mine vors(creven) dueren(de) gheve(n) en(de) leve(re)n ii [m] [wijngart] staken en(de)/ die op den wijngart tev(er)sb(er)ghe te gade(r) mette(n) ande(re)n staken die me(n) daer/ en bove(n) daer op behoeve(n) sal jaerlex leve(re)n Ende daer voe(r) sal de selve/ wynne jaerlex binne(n) hebben sond(er) yet d(aer) af te gheve(n) een eeuselken/ gehete(n) de wyden Oec sal de vors(creven) wynne alle ja(r)e den vors(creven) t(er)mine dueren(de)/ de(n) vors(creven) ja(n)ne gheve(n) en(de) leve(re)n ten tide als me(n) den wyn sy snyde(n) sal/ een verken inde werde van twee mottoene(n) ende daer voe(r) sal hem/ de selve jan jaerlex als vrouwe marie van kersbeke vrouwe va(n) g[ra]zen/ cled(er) gheeft wed(er) gheve(n) ene(n) rocke Ende soe wae(r) de vors(creven) vrouwe/ marie gheen cled(er) en ghave dat de selve jan dan gestaen soude/ jege(n) den vors(creven) wynne voe(r) den vors(creven) rocke met twee mottoene(n) Oec/ sal de vors(creven) wynne op de vors(creven) goede jaerlex sette(n) l pote(n) en(de) soe/ wae(r) op de vors(creven) goede enige(n) boeme verdroeghde die sal de vors(creven)/ wynne hebben en(de) daer voe(r) sal hi wed(er) sette(n) iii poten vande(n) selve(n)/ arde noch es vorw(er)de dat de vors(creven) wynne op de vors(creven) goede sijn/ bringe sal moege(n) neme(n) t(er) minst(er) scaden dats te wete(n) aen heggen/ aen hagen aen bry(m)me en(de) aen alrehande boeme(n) aldaer sond(er) opt bosch/ op de warande ende [aen] opgaende haut Oec sal de vors(creven) wynne den vors(creven)/ ja(n)ne alle ja(r)e hie(r)en binne(n) gheve(n) een voed(er) hoys goet ende custbaer/ dat wassen sal op den beemt liggende ald(aer) naest den vors(creven) hove en(de)/ dat leve(re)n int selve hof in ders vors(creven) jans behout Oec sal de vors(creven)/ wynne den vors(creven) ja(n)ne alle ja(r)e den vors(creven) t(er)mine dueren(de) twee lande/ met sine(n) waghen ende p(er)de diene(n)le libbeke bi denremonde ocht te/ thiene(n) daert den selve(n) ja(n)ne genuegen sal Item sal de vors(creven) wynne/ hebben en(de) behoude(n) sinne(n) vors(creven) t(er)mine duerende alle ja(r)e alle die mest/ daghe en(de) crydaghe toebehoe(re)nde den vors(creven) hove Ende de vors(creven) wynne/ sal den vors(creven) ja(n)ne alle ja(r)e hie(re)n binne(n) wynte(re)n en(de) zome(re)n i verken/ en(de) i rint dat hem gelijc den sine(n) dat hem de selve jan leve(re)n sal/ Ende daer voe(r) sal de vors(creven) wynne sijn scape moegen laten gaene op den bosch/ aldaer te wint(er) tide tot uutganc merte toe Ende dies sal weder de vors(creven) wynne/ de grechte(n) vande(n) selve(n) bossche den vors(creven) t(er)mine dueren(de) wael ende loflec/ opgrichten ende houde(n) Oec sal de vors(creven) wynne alle de goede wael en(de)/ loflec bethuynt ende begrave(n) houden ende die late(n) ten eynde vande(n) vors(creven)/ t(er)mine gelijc hise vant in sine(n) income(n) [Ende vors(creven) wynne sal alle ja(r)e den vors(creven) t(er)mine dueren(de) i(½) boende(r) me lant/ vand(en) brake(n) moege(n) hoervrochte(n) ende de vrocht d(aer) af tot sine(n) p(ro)fite behoude(n)] Ende allet stroe ende hoye dat
//
dat opt vors(creven) goet wassen sal dat sal de vors(creven) wynne int vors(creven) hof brenge(n)/ ende dat met sine(n) beesten ette(n) ende mest daer af maken ende dat wed(er) / opt vors(creven) lant vuere(n) slants meest p(ro)fite uutgesceyden dat de vors(creven)/ wynne mette(n) garse dat wassen sal op ses dachmale beemts belege(n)/ bi wy(n)nigheem dyerste drie ja(r)e lanc sine(n) wille doen sal moegen/ Ende alle doest dat op de vors(creven) goede [jaerl(ex)] wassen sal selen de vors(creven) jan ende/ de wynne half ende half deylen ende hebben ende daer af den lese(r)/ daer af sal de wy(n)ne den cost gheve(n) ende de dachue(re)n selen sij half/ ende half [gelijc] gelden en(de) betalen Oec is gevorw(er)t tusschen den vors(creven) ja(n)ne/ ende den wynne soe wae(r) de selve wynne binne(n) sinen vors(creven) t(er)mine op/ de vors(creven) goede enighe scade hadde of leet van gemeyne(n) orloghe of/ van tempeeste dat hem de vors(creven) jan daer af rastoe(r) ende richtinge/ doen sal gelijc and(er) he(re)n hoe(re)n pachte(re)n bove(n) ende benede(n) gemeynlec/d aldaer doen selen Ende de vors(creven) wynne sal den wijnt(er) art jaerlex/ wynne(n) op drie [iiii] tydeghe voe(re)n ende dien alsoe late(n) gewo(n)ne(n) ende besayt/ dats te wete(n) ii boend(er) daer af met taruwe(n) ende dand(er) met rogge/ En(de) den zom(er) art wynne(n) de en(de) late(n) dats [te] wete(n) v boend(er) d(air)af met/ gersten op iii voe(re)n ende dand(er) met evene(n) op twee voe(re)n Ende de/ brake eens om gedaen Ende alle dese vorwarden geloefte(n) ende condicie(n)/ bove(n) bescreve(n) hebben geloeft de vors(creven) jan en(de) de wynne deen den ande(re)n/vast tallen tide(n) als die vallen en(de) v(er)scyne(n) selen vast ende gestede/ te houde(n) ende te voldoen als v(er)volghde scout Ende des sijn borghen/ des vors(creven) vrancs drapeniers als p(ri)ncipale sculde(re)n ongesundert/ ende ongesceden en(de) elc voer al pet(er) roelofs wonechtich te winczele/ jan de scoesitte(re) van meerbeke bi ev(er)sb(er)ghe ende jan van boxstele van/ veltheem welc borghen vors(creven) de voerg(enoemde) jan vranc hier af heeft/ geloeft scadeloes te houden(e) ende tontheffen(e) (et)c(etera) rike grute(re) iiii junii