It(em) sanders ts(er)vranx in jegewordich(eit) der scepen(en) van loeven(e) gestae(n)/ heeft gegeve(n) ende bekent dat hi gegeve(n) heeft ja(n)ne lederix vanden bueke(n)/ sijn goede belege(n) op hensb(er)gh in de p(ro)chie van vosheem en(de) van leefdale/ mette(n) wynnenden landen beemde(n) eeuselen en(de) allen hoe(r)en toebehoerte(n) te/ houden te hebben en(de) te wynne(n) van half m(er)te naest lede(n) tot ene(n) t(er)mine/ van ses ja(r)en lanc daer nae deen nae dand(er) staphans volghende dats te/ weten de wynnende lande elx jaers hie(re)n en binne(n) op de helicht vanden/ core(n) en(de) vruchte dat dair jairlex op wassen sal Ende toexst als dat/ core(n) inden bant soe sal de wynne des vors(creven) sanders in helicht inde/ scuere vuere(n) eer hi tsijn ruere(n) of vuere(n) sal moege(n) en(de) daer sal/ de vors(creven) sanders ene(n) knecht bi seynden dien de vors(creven) wynne vuede(n)/ sal Ende [als] de vors(creven) sanders sal sijn helicht aldair doet dersschen soe/ sal de vors(creven) wynne den dersscher vuede(n) en dair voe(r) sal hi hebben xvii[ste]/ vat corens ocht de crientsen dwelc hem best genuege(n) sal En(de) soe wa(n)neer/ des vors(creven) sanders core(n) gederssche(n) sal sijn soe sal hem dat de vors(creven) wynne/ te loeve(n) leve(re)n op sine(n) cost uutgesceyde(n) vier sacke die hi den selve(n) sand(er)s/ te bruessel leve(re)n sal Oec sal de vors(creven) wynne vand(er) [de] weyden vanden beemde(n)/ en(de) hove(n) aldair jaerlex den vors(creven) t(er)mine duerende hebben op xiii gulden(en)/ hollansche van goude goet en(de) gheve te sente remeys m te betale(n) alle/ ja(r)e den vors(creven) t(er)mine duerende en(de) telken t(er)mijn als v(er)volghde scout Ite(m)/ es vorwarde dat de vors(creven) wynne alle ja(r)e binne(n) hebben sal sond(er) den/ vors(creven) sanders dair af yet te gheve(n) een half boend(er) lants inden som(er)art/ vanden archste(n) noch vande(n) besten Ende de vors(creven) wynne sal jaerlex/ den chijns betalen uut den vors(creven) goeden gaende dwelc hem afslach/ doen sal v jaerlex aen de vors(creven) xiii gulde(n) hollansche en(de) soe wae(r)/ da? vande(n) vors(creven) chijnse jaerlex te betale(n) den vors(creven)chijnse sanderse/ enighe cost of scade q(ua)me dat soude de vors(creven) wynne moete(n) draghe(n)/ Oec sal de vors(creven) wynne den vors(creven) sanders jaerlex den vors(creven) t(er)mine/ duerende een halst(er) li lijnsaets sayen [inde hove aldair] dair hi hem den saet toe/ leve(re)n sal inden Ende de vors(creven) wynne sal twee hove vanden doren/ hove(n) ten lesten jae(r) ledich late(n) ligge(n) sond(er) dair op yet te wynne(n)/ Ite(m) sal de vors(creven) wynne jaerlex den vors(creven) t(er)mine duerende in op/ de vors(creven) goede leve(re)n xl mandelen walm(er)s and(er)s dan nu op dyerste/ jae(r) soe sal hi leve(re)n l mandele(n) walm(er)s goit en(de) custbair Ende soe
//
soe wa(n)neer men die aldair verdecke(n) sal dae soe sal de vors(creven)/ wynne den decke(r) de cost gheve(n) ende sanders de dachue(re) (et)c(etera) Ende/ de selve wynne sal de huysinge [wande] houde(n) en(de) doe(n) maken vand(er) nederster/ rykelen nederw(er)t Voert sale(n) de vors(creven) sanders en(de) de wynne doeft/ dat d(aer) jaerl(ex) wasse(n) sal half en(de) half deylen en(de) hebbe(n) en(de) de/ wynne sal den selve(n) sanders sijn helicht vande(n) oeste te love(n)/ leve(re)n/(...)