SAL7711, Act: V°148.7-R°149.1 (41 of 138)
Search Act
previous | next
Act V°148.7-R°149.1  
Act
Date: 1408-07-21

Transcription

2020-10-23 by Marijke Gevaert
It(em) salomo(n) boxhoe(re)n in jegenwordich(eit) der scepen(en) heeft/
v(er)antwert in jegenwordich(eit) der selver scepen(en) ja(n)ne vande(n) b(er)ghe/
smet en(de) alarde clabbout alsulken vruchte en(de) vrome alse nu/
steet en(de) dit gestaen heeft sijnt sentjans dach [naest lede(n)] op de goede beyde/
lant en(de) beemde die wilen wa(r)en dam ingellen en(de) boddart/
clabbout wilen hae(r) man en(de) alite alice(n) hoe(re)n beyd(er) dochte(r) die en(de)/
massins wilen d(er) vors(creven) alice(n) man inde p(ro)chie van sente lambrechts/
te geldenake belege(n) [en(de) alsoe v(er)re als die goede inde rechte ov(er) hoetvo(n)nisse van ludike belegen sijn] Dair af de vors(ccreven) jan vanden b(er)ghe en(de) alart/
clabbouts jege(n) maryyen des vors(creven) massins wijf in gedinge staen/
voe(r) de scepen(en) van sente m(er)tens te ludike in de(n) hove te geldenake/
in deser vuege(n) soe wae(r) [op dat] de gront vande(n) vors(creven) goede(n) den vors(creven) ja(n)ne/
en(de) alarde aengewijst worde(n) mette(n) vo(n)nisse en(de) met de(n) rechte [..en? die te so(m)me?] en(de)/
op dat de vors(creven) goede hen niet aengewijst en worde(n) dat dan de vors(creven) sake/
dair af ongehoude(n) sal sijn die goede te v(er)antworde(n) (et)c(etera) Oec es gev(orwert)?
//
soe wae(r) de vors(creven) vruchte en(de) vrome bi gemeyne(n) orloghe ocht bi tempeeste/
vervoed(er)t v(er)derft ocht v(er)nielt worde(n) dat dan de vors(creven) salomo(n) van alsoe v(er)re/
als dat alsoe gesciede oec ongehoude(n) sal sijn die te v(er)antworde(n) [den vors(creven) ja(n)ne] ten eynde/
[alarde] alst gedinge met hen gelopen sal sijn en(de) and(er)s niet sond(er) argelist/
py(n)noc ...nten? eodem vide(licet) xxi julii
ContributorsLieve Van Hoestenberghe , Jos Jonckheer
Moderated byLieve Van Hoestenberghe
Last update: 2017-03-22 by Xavier Delacourt