It(em) henr(ic) boegardt (et) petrus starke ambo de meerbeke p(ro)pe ev(er)sberge in jegenwordich(eit)/ der scepen(en) van lovene gestaen hebben gegeve(n) ende bekent dat si gegeve(n) hebben/ arnde boegart brueder des vorscr(even) henrix en(de) henrike vand(er) molen de goede/hier nae bescreve(n) neghen boend(er) lants ocht daer omtrent belege(n) inde p(ro)chie van/ meerbeke bide seve(n) to(m)men in alrehande stucke(n) met ene(n) cleyne(n) beemdeke(n) belege(n)/ acht(er) de kerke van meerbeke gelijc de vors(creven) henric boegardt en(de) pet(er) starke de/ vors(creven) goede van claese van leefdale inde(n) name en(de) van wege(n) des cloest(er)s van/ ev(er)boede genome(n) hadden Te houden te hebben en(de) te wynne(n) van k(er)smisse naest/ lede(n) tot ene(n) t(er)mine van neghen ja(r)en lanc deen nae dand(er) (et)c(etera) Elx jairs hie(re)n
//
bynne(n) op ses mudde rox en(de) seve(n) mudde evene(n) beyds corens goit en(de) payabel der/ maten van lovene dats te wete(n) alsulc core(n) als op de vors(creven) lande jairlex wasse(n) sal te/ sente andries misse apostels te betale(n) en(de) te loven(e) bynne(n) der herb(er)gen des vors(creven) cloest(er)s/ te leve(re)n alle ja(r)e hie(re)n bynne(n) en(de) telke(n) t(er)mine als v(er)volghde schout alsoe dat de vors(creven)/ arnt en(de) henric vand(er) molen bynne(n) den vors(creven) t(er)mine seve(n) pacht betale(n) selen/ Gelovende de vors(creven) arnt en(de) henr(ic) vand(er) mole(n) de vors(creven) lande bynne(n) den vors(creven) t(er)mine/ te wynne(n) te werve(n) en(de) te meste(n) gelijc reengenote(n) bove(n) en(de) benede(n) Met vorwarde(n)/ dat si de vorscr(even) lande bynne(n) den ten eynde vande(n) vors(creven) t(er)mine bloet en(de) ongewonne(n)/ laten sele(n) H(ier) ov(er) wa(r)en gielijs de rike en(de) raes van g(ra)ven febr(uarii) xi