It(em) het es comen in rechte voe(r) meye(r) ende scepen(en) van lovene johan van alken/ burghe(r) zu coelne en(de) heeft aengesprok(en) willeman arnoutsoene bontwerke(r)/ van antw(er)pen seggende dat de selve willeman comen wae(re) te mechlen en(de) hedde/ aldaer gehaven aen goede liede van mechlen porte(re)n xix l(i)b(ra) groete en(de)/ xv cronen en(de) dat hi hem die sculdech wae(re) woude de selve willeman/ daer jegen seggen hi en wae(re) hem die sculdech soe droeghs gaf de/ voirs(creven) jan hem dat te sine eede daer op de voirs(creven) willeman dede/ verantw(or)den sinen voirspreke d ond soe dat hi onder dande(r) boet sinen/ eet op dat de scepen(en) wijsden dat waer op de voirs(creven) scepen(en) vande(n) voirs(creven)/ meye(r) ghemaent wijsde voir een vonnisse dat de voirs(creven) willeman/ sine ontscout doen soude op de aensprake des voirs(creven) johans van/ alken gelijc de selve willeman dede en(de) schiet [af] vanden heylgen/ onghecalengeert vande(n) voirs(creven) janne van alke(n) ocht sinen voirspreke/ cora(m) rike oppendorp paulus custe(re) (et) walte(r)us capelleman/ scab(inis) lov(aniensibus) anno xii[mo] octobris p(ri)ma