It(em) jan vande(n) huffle scoutheit des h mijns he(re)n des abds van s en(de) des/ co(n)vents [des cloest(er)s] van sente cornelijs tot ynden te cumptich in jeghenwordich(eit)/ der scepen(en) van loeven gestaen heeft gegeve(n) en(de) bekent dat hi gegeve(n) heeft/ inden name en(de) van weghen des vorscr(even) godshuys reyne(re)n corduwaen sone/ henrix wilen corduwaen de vroenhof te cumptich mette(n) huysen hove(n) wy(n)nende/ lande en(de) met ene(n) beemde daer toe hoe(re)nde gelijc gheert swijns die lande houdende/ was behoudelic dien dat de vorscr(even) jan vande(n) huffle tot behoef des vors(creven)/ cloest(er)s behouden sal de nuwe came(re) met den spyke(re) en(de) met half den kelde(re)/ daer ond(er) staende en(de) metde(n) ouden stalle voer aen de porte te houden te hebbe(n)/ ende te wynne(n) van half merte naest comende tot ene(n) t(er)mine van twelf jae(re)n/ lanc deen na dande(r) staphans volghende elx jaers hier en bynne(n) op hond(er)t/ en(de) twintich mudde rox corens alsulc als op tvors(creven) lant jaerlex wassen sal/ goit en(de) payabel met wa(n)ne en(de) met vedere(n) wael bereit vier molevate/ erwite(n) vier molevate raepsaets en(de) vier molevate bonen der maten/ van thienen te weten ses halster der vorscr(even) maten voe(r) een mudde gereke(n)t/ te sente andries misse apostels vallende en(de) tot onser vrouwe(n) liechtmisse/ daer na vol betaelt te sine en(de) op den spyke(re) bynne(n) den vors(creven) hove te leve(re)n/

alle op cost en(de) expense des vorscr(even) reyn(er)s te leve(re)n alle jae(re) den vorscr(even) t(er)mine/ duerende en(de) telken t(er)mine als v(er)volghde schout ende es vorw(er)de dat de/ vors(creven) wynne jaerlex den vorscr(even) t(er)mine duerende alle op tvors(creven) lant/ sayen [sal] moeghen iiii boende(r) lants met taruwe(n) om sijn p(ro)fite daer mede/ te doene sond(er) na de werde van diere taruwe(n) den vors(creven) sine(n) pacht/ te betalen noch es vorwarde gevielt dat de vors(creven) jan inden name vande(n)/ vors(creven) godshuyse den tvors(creven) coren(en) bynne(n) den vors(creven) t(er)mine v(er)cochte dat dan/ de vors(creven) wynne vijftich mudde corens der maten vors(creven) behouden en(de)/ hebben sal inden prijs en(de) om de werde dat de vors(creven) jan dat core(n) v(er)cope(n)/ sal van welke(n) gelde de vors(creven) wynne dach hebben sal alsoe lange als die/ cope(re)n vande(n) ande(re)n core(n) dach hebbe(n) suelen Item es vorwarde als de vors(creven)/ wynne ten eynde van sine(n) vors(creven) t(er)mine uutvare(n) sal te half m(er)te dat hi/ dan tstroe dat in tvors(creven) hof sijn sal etten sal moegen met sine(n) beesten tot/ half aprille toe daer naest volghende en(de) alle tstroe dat vande(n) vorscr(even)/ goeden come(n) sal dat sal de vors(creven) wynne int vorscr(even) hof brenge(n) en(de) mest/ daer af maken en(de) dat wed(er) opt vors(creven) lant vuere(n) slands meest p(ro)fite/ en(de) nergens elde(r) en(de) die lande wynne(n) en(de) werven wel en(de) loflec
//
gelijc sinen reengenote(n) boven en(de) beneden en(de) die laten ten eynde vande(n)/ vors(creven) t(er)mine gelijc hise vant tot sine(n) income(n) dats te weten den arnt/ acht(er) den vors(creven) vroenhof gelege(n) besayt met wynt(er) coren op vier/ tideghe voren en(de) dande(r) twee arde al geheel en(de) niet om gedaen/ ende de vorscr(even) wynne sal alle jae(re) den vors(creven) t(er)mine duerende int vors(creven)/ hof leve(re)n viii[c] walms om die s huysinge daer mede te decken en(de)/ als men aldaer dect of plect aen die oude huysinge daer nu staende/ daer af sal die vors(creven) wynne den werclieden den cost gheven en(de)/ jan van weghen des vorscr(even) godshuys de dachue(re)n oec sal de vorscr(even)/ wynne alle jae(re) den vors(creven) t(er)mine duerende op de vorscr(even) goede setten ten/[meeste(n) p(ro)fite] vijftich poten Item sal de vors(creven) wynne jaerlex den vors(creven) t(er)mine dueren(de)/den gh mijn he(re) den abt vors(creven) sine(n) gesinde of ja(n)ne vande(n) huffle/ of die vandes godshuys wegen aldaer come(n) sal geve(n) en(de) leve(re)n tot/ hoe(re)n p(er)den hoye en(de) stroe en(de) dies gelijx en(de) soe wat tide de vorscr(even)/ mijn he(re) de abt of yema(n)t van des godshuys wege(n) te thiene(n) come(n)/ suelen soe sal de vors(creven) wynne hen stroe leve(re)n hoe(re) p(er)de daer mede/ te stroyen noch es vorw(er)de dat de vors(creven) wynne ten leste(n) jair/ vande(n) vors(creven) t(er)mine gheen lant hoevruchte(n) en sal en(de) alle dese/

vorwarden geloefte(n) en(de) gemelt alsoe dat de vors(creven) wynne inden/ vors(creven) goede enige(n) scade name van gemeyne(n) orloghe of van tempeeste/ daer af sal de vors(creven) jan de van weghen des vors(creven) godshuys den vors(creven)/ wynne rastoe(re) doen gelijc ande(re) he(re)n hoe(re)n pachtene(re)n bove(n) en(de) benede(n)/ aldaer doen suelen van gelike(n) sake(n) en(de) alle dese vorw(er)de(n) hier/ af sijn borge(n) (et)c(etera) des vors(creven) gheert en(de) jan swy(n)nen gebruede(re)n/ quos indempnab(it) pynnoc rike no(vem)[br(is)] vii