It(em) cond si allen liede(n) dat een deylinge gedaen en(de) geschiet es tusschen willeme/ gans apothecarise op deen side en(de) henrike q(ua)ntelart op dande(re) op de huysinge/ en(de) hove met hoe(re)n toebehoerte(n) gelege(n) in de cattenst(ra)te tusschen de goede jans vande(n)/ borchove(n) en(de) de goede wilen jans van bierbeke de vorscr(even) goede in twee gedeelte/ gedeylt sijnde Soe es gevallen en(de) toebehoert den vorscr(even) g willeme gans in sijn/ deylinge tgroethuys mette(n) hove en(de) met allen sinen [toebehoerte(n)] en(de) oec mett(er) nuw(er) muere(n)/ ald(aer) nu gemetst sijnde staende gel tussch streckende [om] tot aen derve wilen des/ vorscr(even) jans van bierbeke gelege(n) tusschen de goede des vorscr(even) jans vande(n) borchove(n)/ en(de) tgedeelte des vorscr(even) hen(ric) q(ua)ntelart Op te drie pont drie capuyne/En(de) es Item es gevallen den vorscr(even) henrike q(ua)ntelart in sijn deylinge thuys/ en(de) hof met sine(n) toebehoerte(n) gelege(n) tussche(n) de [vorscr(even)] muere des vorscr(even) willems en(de)/ de vorscr(even) goede wilen des vors(creven) jans van bierbeke op ene(n) capuyne en(de) twintich/ s(chellingen) jaerlex chijns payments gemeynlic in borsen gaende te behoerlike(n)/ tiden te betalen daer op de vorscr(even) willem den vorscr(even) will henrike sijn/ gedeelte [vrij en(de) last? van ande(re)n last] geloeft heeft te warendere(n) Dese deylinge aldus geschiet sijnde/ hebben geloeft de vors(creven) willem en(de) hen(ric) deen den (etc)/ cor(am) tymple gheerts maii xxi